1
Romatɔwo 13:14
EƲEGBE BIBLIA
EB14
Ke boŋ mina míado Aƒetɔ Yesu Kristo ƒe nɔnɔme abe awu ene, eye migana míanɔ ŋutilã la ŋuti bum ava zu eƒe nudzroamewo dzi wɔlawo o.
2
Romatɔwo 13:8
Migana ame aɖeke ƒe nu nanye fe atsi mia ŋu o. Lɔlɔ̃ dzaa ko nanye fe si anɔ mia dome. Ame si lɔ̃ ehavi la, ewɔ se blibo la katã dzi.
3
Romatɔwo 13:1
Ele be ame sia ame naɖo to dziɖulawo, elabe dziɖuɖu aɖeke meli, si menye Mawue ɖoe anyi o. Dziɖuɖu siwo li la, Mawu ŋutɔe ɖo wo anyi.
4
Romatɔwo 13:12
Zã va yi vɔ; ŋu le kekem. Mina míadzudzɔ nu siwo wowɔna le viviti me la wɔwɔ, ne míatsɔ aʋawɔnu, siwo ŋudɔ wowɔna le kekeli me la akpla.
5
Romatɔwo 13:10
Ame si lɔ̃ ehavi la, eyae wɔ seawo katã dzi.
6
Romatɔwo 13:7
Nu sia nu si wòle be miaxe na ame aɖe la, mixee nɛ; ame si wòle be woadzɔ nu na la, midzɔe nɛ; ame si wòle be miana adzɔe la, mina adzɔe; ame si wòle be woasi ɖa la, misii ɖa; ame si wòle be woatsɔ bubu na la, mitsɔ bubu nɛ.