Папулярныя біблейскія вершы з Netume 9

Падзяліцца

Là, me lo faṅ o là, ndù o yen mba neta àm be là mba ndù lén sàm ju'ni ntùm njoṅ njù fa.

Tshùaben tshob Mosé ndù: Nèn ndà Faraon ntshob yi ndù: Tshù mba Tshùaben Nsi ba Héber tshob li: Faṅ yàm nzwit mèn nèn mfa' me.

Me na' mbù' bu àm nsi num o, ndo' keya' ndab o yi, wù bin ngô o, mb'o lo mi yu ntùm njù.

mba bu Tshùaben nsi yab num tsho nyàm ts'a be tshwèt là, num nyàmdiaṅe, nkekwène, kamél, nyàmna' boa mbwe. Keya' kebwô nsi be. Tshùaben nsi kabte tse nyàm Israél. Sàm ju ke nsi kwù netèt tse tshu bon Israél.

Ndamnjù, be num yen nyam ni, me nsi ghù nywinmbaṅ z'a ke' to' be Egipto fe mb'a be tà nse' nkum sènni là be. Ndonni tum bo nèn ma' tsho nyàm ndà boa tsemo' tshu ts'a b'a tsho mà tshwèt là. Mba zit mènntùn no ke zit nyàm no ze nywinmbaṅ nsi tèl i mà tshwèt ke be ndù a tsho ndà là nsi kwù.

Tshen bwembwôg là nsi sa num njoṅ ngô Egipto fa mba mbab là, kag nkeko' num benntùn boa nyàm, nte ndô ndô ntshu tse. Bo lo' bwembwôg ntùm ndà mbwôge, ntsin mbwe Faraon; Mosé ma' tù, a kag nkeko'o, nsô ndô ndô ntshu tse num benntùn boa nyàm.