Папулярныя біблейскія вершы з Záan 16

Падзяліцца

Náa cíle amɔ wɔlɩ́ɛ́ fɩ́ɛ́ lɩ̀à gɔ̀, lé a ká ná zà flíi. Mà pɛpɛ kalɩmɛɛ́ a nɩ́ a ká dɛ́ zɩkpa zɔ̀ yɛ́ɛ, naa a tɛ́ma mʋ́, mà yáa zɩkpa sɩa!»

Mà tányɩɛ́ mʋ́ cícása a zuzùò na ká yi a, ʋ́ yi amɔ cɩ́cása a fɩ́ɛ́ mnɩ́ tíè. Ʋ nɩ́ ka ʋ mɔ̀glʋ̀ a ŋnɩ́ mʋ́ cíì, mà céé ʋ́ na ká nú a, ɩ́mɩ́ ʋ́ na ká cí. Ɩ́zà wɔlɩ́ɛ́ nà kà kɛ́zɔ̀ yi a, ɔ́ ká amɔ mɩ́ srʋ.

Lé à nɩ̀ kà wá ʋ́ kʋ a, a nɩ́ à zà ná ŋnɩ́ɛ́ mʋ́, lɛ́ yráa. A yráa Tʋ́ɔ́ lɩ́ mʋ́, mà ɔ́ yi amɔ mɩ́ nyɛ́, lé a lɔlɔɔ́ ká neé sralɔɔ̀.

Bhè cɩ́cáwɔlɩ ɩ́ srʋ amɔ, mɔ́ɔ nɩ mʋ a, bhʋ́ ɩ́ yi amɔ a zà náma, mà nɩ nɩ́ mʋ a, nyɔɔ́ nà kà amɔ kʋ́ fa a, nɩ́ ka amɔɔ gɔ̀ yi. Mɔ́ɔ nɩ̀ mʋ a, bhʋ́ ɩ́ yi amɔ mɔ́ laa. Lé ɔ́ɔ nɩ yi a, bhʋ́ zɩkpa zɔ̀ a nyʋa yi saá yɩbhlɩ cémʋ́ á ya á nyumoé kʋ́ mnɔ́ɔ a zà, a Lagɔ a cɩ́cása a zà, lé á mnɔ́ɔ sáà Lagɔ a tɩ́tɩ́ɛ́ a zà.

A sɛ́fʋ sáà, kakamnɩ́lɛ́ lɩ̀à a, di gblálɛ yɩ́ amɔ nyú. Mà ɩ yi sɔ́kʋ́ amɔɔ gɔ̀ yi, lé lɔlɔ yi amɔ bhlá. Bhʋ́anɩ lɔlɔɔ́, nyɔ nɩ́ ka kɔ́ɔ̀kɔ́ amɔ mʋ́ duo kʋ́ sa à. Bhʋ́ a yruó kʋ́, a nɩ́ ka yɩ́ mɔ́ɔ wɔlɩdrè a múó coco kʋ́ yrá a. Cɩ́cása a mnɩ́, ná srʋɛ amɔ mà, a nɩ yráa ɩ Tʋ́ɔ́ lɛ́ mʋ́ ná ŋnɩ́ɛ́ mʋ́ a, ɔ́ yi amɔ mɛ́ nyɛ́.

Cɩ́cása a mnɩ́, náa srʋɛ amɔ mà, a yi zɩzra a yi bhɔtɔɔ̀, bhè kɔ́ a nyʋa na ká lɔlɔ nɩ. Amɔ, kpɩkpɩ yi amɔ gɔ̀ wɔtɔma, mà ɩ́ kalɩmɛɛ yi kɛ́zɔ̀ amɔ lɔlɔ kʋ́ laa.