Папулярныя біблейскія вершы з Itanguriro 32

Падзяліцца

Wa mugabo aramubwira ati: “Ntugisubira kwitwa Yakobo. Kuva ubu uzokwitwa Isirayeli, kuko wagwanye n’Imana n’abantu ukanesha.”

Wa mugabo aravuga ati: “Ndekura ngende kuko burakeye.” Yakobo aramwishura ati: “Sindakurekura, utampezagiye!”

Ariko Yakobo we asigara inyuma ari wenyene, maze haza umugabo agwana na we kugeza bukeye.

Yakobo yita aho hantu Peniyeli, bisigura “mu maso h’Imana”, kuko yavuga ati: “Nabonye Imana amaso mu yandi, ariko ndacari muzima!”

Uwo mugabo abonye ko bimunaniye kunesha Yakobo, amukubita ku mutsi wo kw’itako, bituma Yakobo atangura gucumbagira mu gihe yariko aragwana na we.

Aramubaza ati: “Witwa nde?” Yakobo aramwishura ati: “Nitwa Yakobo.”

Yakobo aramubwira ati: “Ndakwinginze umbwire izina ryawe.” Wa mugabo aramwishura ati: “Umbariza iki izina ryanje?” Nuko aca amuhezagirira aho hantu.

Wanyeretse urukundo rwinshi n’ubwizigirwa jewe umusavyi wawe, kandi ntari ndabikwiye. Igihe nava iwacu nkajabuka uruzi Yorodani, nta co nari mfise uretse inkoni. None raba ngarutse mfise iyi migwi ibiri.

Ni co gituma n’uno musi Abisirayeli batarya umutsi wo kw’itako, kuko ari ho Yakobo yakubiswe.

Hanyuma Yakobo aca asenga avuga ati: “Mana ya sogokuru Aburahamu na data Isaka; ewe UHORAHO, ni wewe wambwiye uti: ‘Subira mu gihugu cawe no mu ncuti zawe, nanje nzogukorera ivyiza.’

Ndakwinginze, UHORAHO, unkize ukuboko kwa mwene mama Esawu. Ikinteye ubwoba ni uko aje kuntera, yice abagore n’abana banje.