Папулярныя біблейскія вершы з Mateo 17

Падзяліцца

I Jesús xub'ij chke. —Xixtiki ti che man nti qas ukub'ib'al ik'ux che i Dios. Qatzij kinb'ij chiwe: Wetene o ukub'ib'al ik'ux che i Dios, tupu xa pich' keje pacha unimal jun ija re mostas, kixtiki uri chu'anik nim laj anik ru'. Wetene kib'ij che i jyub'i: “Chat-el chi; chat-ax jela”; kib'ij ni che, lik kel uri. Is kixtiki uri chu'anik.

Are ktijin i ma Pedro chub'ixkil ile, xqaj li jutzob'aj sutz' pkiwi, lik kwalch'inik. I chupam i sutz' le xkita jun ch'awb'al chi kub'ij: Iri are Ink'ojol chi lik k'ax kinna'o, lik kinkikot rumal Ire. Chita ut wach i kub'ij; xub'ij.

Te'uri i Jesús xub'ij: —¡Yix, lik nti ukub'ib'al ik'ux che i Dios; lik ix sachnaq na! ¡O tan chi ij in o iwu', xwiri lik ix nawnaq taj! ¿Ni'pa nawi chik ij rajwaxik in o iwu'? Chik'ama li ak'al waral —xub'ij. Te'uri i Jesús xuyaj i itzel tew chi o che ala, rumali itzel tew xel che. I ak'al juntir xutzirik.