Папулярныя біблейскія вершы з लूका 11

Падзяліцца

जब तुम बुरा हो भेरन, अपून नानतिना निकी चीज दीन जाणछा, त तुमोरो स्वर्गीय पिता कई ज्यादा बढ़भेरन छै अपून मागून वालान पवित्र आत्मा किलैं नी द्योलो?

येक कारण मैं तुमूनथैं कुछूँ, परमेश्वर थैं माँग, उ तुमून द्योलो। खोजला, त तुमून मिलोलो। खटखटाला तब तुमून खिन दवार खोल दी जालो।

क्याखिनकि जो कोई परमेश्वर थैं माँगछो, उ ऊस दीछो; और हरेक, जो ऊस खोजछो, उ ऊस पाछ; और जो कोई दवार में खटखटूछो, उ खिन खोलि जाला

तब यीशु ले अपून शिष्यून थैं क्योछ, जब तुम प्रार्थना करछा, तब इसो कया, हे पिता परमेश्वर, तैं जो स्वर्ग में छै, तेरो नाम सब लोगून में पवित्र मानी जौ। तेरो राज्य हमून में अ।

हमार पापून माफ कर, क्याखिनकि हम ले अपून अपराधीन माफ करनू। और हमून परीक्षा में जन पड़ून दे।’”

हमोरो दिन भरो रोटो हमून दे।

तेरो आँखो शरीर खिन दीया को जसो छै, येक कारण अगर तेरा आँखा ठीक होला त तेरो पुरो शरीर में ले उज्यालो होलो; अगर उ ठीक नाहतिनी त तेरो पुरो शरीर में ले अन्यारो होलो।

कोई ले आदिमी दीया जलाभेरन लुका भेरन या भांणाका तलि नै राखनो, लेकिन दीया जलाभेरन ऊँचा जाग में राखनान कि घर भितर उनवालान उज्यालो मिलो।