Папулярныя біблейскія вершы з यहूना 6

Падзяліцца

यीशु ले उनूनथैं क्योछ, “मैं उ छूँ, जो अनन्त जीवन दीछो, जो म्यारा पास आलो उ कभै भुखो नै होलो, और जो मैंमें विश्वास करोलो, उ कभै प्यासो नी होलो।

परमेश्वर की आत्माई छै, जो जीवन दिनवालो छै, लेकिन शरीर नै दी सकूनो, जो बात मैंले तुमूनथैं कईना का छन उन पवित्र आत्मा ले बोली जानान, जो बात मैंले तुमूनथैं कईना का छन, उ आत्मा और जीवन ले छै।

तुम उ खान खिन मेहनत जन करा जो नाश हो जाछो, लेकिन उ खान खिन मेहनत करा जो अनन्त जीवन तक बनिना को रूछो, जैस मैं आदिमी का च्योलो तुमून द्योलो, क्याखिनकि पिता परमेश्वर ले मैंस येस दीना को अधिकार दी रैछ।”

क्याखिनकि म्यारा पिता परमेश्वर की यो मरजी छै, कि जो कोई च्याला स देखिभेरन उमें विश्वास करोलो, उ अनन्त जीवन पालो, और मैं ऊस आखिरी दिन ज्यून करोलो।”

यीशु ले जबाब दीछ, परमेश्वर चाँछो कि तुम उमें विश्वास करा जैस उले भेज रैछ।

जो कुछ पिता परमेश्वर मैंस दीछो, उ सब म्यारा पास आलो, और जो कोई म्यारा पास आलो ऊस मैं अपून दगाड़ राखलो।

तब शमौन पतरसले ऊस जबाब दीछ, “हे प्रभु, हम कैका पास जानू? अनन्त जीवन का बात त्यार पास छन।

जीवित रोटो जो स्वर्ग भटे उतर छै उ मैं छूँ। अगर कोई यो रोटा में भटे खाछो, त उ हमेशा ज्यून रोलो; और जो रोटो में संसारा का जीवन खिन दीयूलो, उ म्येरो माँसो छै।”

कोई ले म्यारा पास तब तक नै आ सकूनो, जब तक पिता परमेश्वर, जेलै मैंस भेज रैछ, ऊस लीभेरन नै ऊँ; और मैं आखिरी दिन ऊस फिर ज्यून करोलो।

क्याखिनकि परमेश्वरो को रोटो उई छै, जो स्वर्ग भटे उतर भेरन संसारा का लोगून जीवन दीछ।”

मैं उ रोटो छूँ, जो जीवन दीछो।

तब यीशु ले रोटान अपून हातून में लियान, और परमेश्वरो को धन्यवाद करभेरन, बैठिना का लोगून में बाड़ी दीयान; उसीकैं माछान ले जदुक उन चाँछ्या बाड़ दीयान। करछ्य। जब सब लोगून ले पेट भर भेरन खान खिन खा लीछ, तब यीशु ले अपून शिष्यून थैं क्योछ, “बचिना का रोटान का टुकुड़ान जाम कर ली, कि कुछ ले बरबाद नै करि जौ।”

जब उन लोग नाऊ स चलाभेरन पाँच-छ: किलोमीटर अघिल न्हैजानान, त उनूनले यीशुस झील में हिटनै नाव का नजिक ऊँनो देखछ्य, और शिष्य डर ग्या। लेकिन यीशु ले उनूनथैं क्योछ, “मैं छूँ; डरा जन।”