Папулярныя біблейскія вершы з Matyo 24

Падзяліцца

Ǹchù ya ngo ghɛʼ akwâ gimkpaʼ ene aghɛʼ yɛ edoʼ yɛ bɔ à me le ene abɔ abê ngɛ sa myɛ. Bɛʼngɛ abɔ e ma ngo klini etaa bwɛn anji ngùdu ngɛ, e ba ngo pwèerè angɔ.

E ba ngo sɛ̀ɛrɛ̀ ekɔn ǹchwɔ̀ mbɔʼ ebwa m̀fɔ̀ Ngwe efwɔ ese gimkpaʼ mbɔʼtye bɔ gimkpaʼ nɛɛ éŋwaʼa, éngɛ ese ngùdu.”

Mbɔn ba ngo zo bɔ ma ngwè ebiri ebara mfɔn gɛ̀rɛ̀ zo ekɔn ene ebiri e nyɛrɛ abɛɛ tsɛrɛ, bɛʼngɛ mbɔn ka bum, abwa zɔnɔ ya gli, e ke me tee kpe endzobo ngùdu shi zeʼe bo.

Ebɛ ba ngo ngwè àmɔ̀ àmɔ̀, m̀fɔ̀rɔ̀ gɛrɛ sa ngwè m̀fɔ̀rɔ̀, jɛbo ya ngo nyii chwâ gɛrɛ binni akwâ gimkpaʼ. Abwa zɔnɔ ya ngo mwɔ na aye me kɛʼ é be, ŋwɔ klada sa nɔmɔ engɔ nɔ.

Ezob mane chwâ yà fɔɔ bɛʼngɛ ega ngu yà ne fɔɔ.”

mbɔʼnga bɔ akɛkɛ ba ngo zeʼ sa ndooro kpe mbɔɔ ne zeʼ ene ekumu ngu, gɛ̀rɛ̀ ma ga kpe ‘Mmɛ na Ǹtɔmzhwaʼa’ ene aghɛʼ zɔnɔ, e ndooro bɔ akɛkɛ.

Angɔ ba ngo bèrè angɔn ge angɔn eblabwo abɔ byɛ e ma ngo ndɛ̀ʼ enyii endɔn gɛ̀rɛ̀ zhudu angɔn ngɛ. Bɔ gimkpaʼ ba ngo gwè angɔn mbɔʼ mmɛ. Efwɔ endzobo ǹgoʼ zɔnɔ, bɔ akɛkɛ ke ma we le ebɛrɛtaa ene mmɛ bo. E ba sa fɛ̀rɛ̀ enji egho we gɛrɛ sa gwè egho we. Éngɛ bàmɛnɛkɔn andɔɔ akɛkɛ ba zeʼe ndooro bɔ akɛkɛ.

Yeso gíì ebe angɔ kpe, “Mbɔn zɔmmɔ angɔn, mbɔn ke le gho deʼ ndooro angɔn bo

Éngɛ ngɛ, mbɔn gɛrɛ ndèerè angɔn mbɔʼnga Ŋwɔ Gho wa ngo zeʼe efwɔ endzobo yɛ mbɔn ne ma kɔ̀ʼ engɔ bo ngɛ.”

Éngɛ mbɔn zɔmmɔ angɔn sa kɔʼɔ mbɔʼnga mbɔn ke nɛɛ endzobo yɛ masa ngɔn ma ngo zeʼ ngɛ bo.

Yeso wu ga ebe bɔ bɛɛrɛ abwa mɔ kpe, “Tsɛ̀ʼ gho deʼ me nɛɛ anji kà endzobo yɛ abwa zɔnɔ ma ngo gli ngɛ bo, ka de mwɔ engere ezob kà ŋwɔ Ngwe, à tye àtɛ zhiʼ me nɛɛ.

Bɔ akɛkɛ ba ngo sa gà andɔɔ endɔn kpe mbɔɔ ne Ǹtɔmzhwaʼa, akɛkɛ gɛrɛ zeʼe byɛ e mwɔ bàmɛnɛkɔn andɔɔ ngɛ. E ba ngo le anɛ̂ abwa kɛ́ mane abwa zodo zodo é ndooro angɔn, ka de mwɔ abɔ byɛ Ngwe à shi chidi ngɛ mala e me zamma.

Èndzobo chɛ Ŋwɔ Gho ma wu zeʼ ngɛ, e yà mwɔ ne ebwa à gli endzobo Noa ngɛ. Efwɔ endzobo Noa, aŋu ndim a ne shi shwe bo ngɛ, bɔ a na nde ma ŋwɔ, anɔm nu aye, e gɛrɛ ma ndɛʼɛ aye ene elô bwɛn anji yɛ Noa à nyii efwɔ ekpe ngɛ. Angɔ à ke nɛɛ ebwa wɛ à ma gli ngɛ bo, bwɛn èndzobo chɛ ndim à shwe zɔɔ angɔ bɔ gimkpaʼ ngɛ. Na aŋu e ma ngo mwɔ èndzobo chɛ Ŋwɔ Gho ma ngo zeʼ ngɛ.