Папулярныя біблейскія вершы з မၢတ်ႈထႄႇ 24

ၵွပ်ႈ​ပိူဝ်ႈ​လွင်ႈ​တၢင်း​ဢၼ်​ဢမ်ႇ​တြႃး​ၼမ်​မႃး​ၵိုၼ်း​မႃး​လႄႈ တၢင်း​ႁၵ်ႉ​မႅတ်ႈ​တႃႇ​ၵူၼ်း​ၼမ်​ၼႃႇ တၵ်း​ၵေႇ​မၢင်​ၵႂႃႇ​ဢေႃႈ။- ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​မၼ်ႈ​ၶိူင်ႇ​တေႃႇ​ထိုင်​ႁွတ်ႈ​တီႈ​သုတ်း​တီႈ​ၵွႆ​ၼၼ်ႉ၊ ၵေႃႉ​ၼၼ်ႉ​တၵ်း​ႁွတ်ႈ​ထိုင် တၢင်း​ဢၼ်​ၵႄႇ​ၶျွတ်ႈ​ဢဝ်​ဢေႃႈ။

တြႃး​သတၢင်း​သိူဝ်း​ပျေႃႇ​မိူင်း​ၸဝ်ႈ​ၼႆႉ တၵ်း​လႆႈ​ၶၢမ်ႇ​တၢင်း​ဢၼ် ႁေႃး​လၢတ်ႈ​ၵႃႈ​ၼႂ်း​မိူင်း​လေႃးၵီႇ​ၵူႈ​တီႈ​ၵူႈ​လႅၼ် ပုၼ်ႈ​ဢၼ်​တၵ်း​ပဵၼ်​သၢၵ်ႈ​သေႇ တီႈ​ၵူၼ်း​မဵဝ်း​တင်း​သဵင်ႈ​တင်း​လူင်​ဢေႃႈ။ ၼင်ႇ​ၼၼ်​ယဝ်ႉ​ၸင်ႇ၊ တၵ်း​ပဵၼ်​တီႈ​သုတ်း​တီႈ​ၵွႆ​ဢေႃႈ။

သူ​တၵ်း​လႆႈ​ငိၼ်း​လွင်ႈ​ဢၼ်​တိုၵ်း​သိုၵ်း​လႂ်၊ သတၢင်း​သဵင်​ၶၢဝ်ႇ​လွင်ႈ​ဢၼ် တၵ်း​တိုၵ်း​သိုၵ်း​လႂ်​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၼင်ႇ​ႁိုဝ်​တၵ်း​ဢမ်ႇ​မႆႈ​ၸႂ်​ၶီ​ၸႂ်​ၸိုင်၊ ႁဵတ်း​သတီႉ​တႃႉ။ လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ တၵ်း​လႆႈ​ပဵၼ်​မႃး​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ဢမ်ႇ​ပႆႇ​ပဵၼ်​တီႈ​သုတ်း​တီႈ​ၵွႆ။

ၵူၼ်း​မဵဝ်း​ၼိုင်ႈ​လႄႈ​မဵဝ်း​ၼိုင်ႈ မိူင်း​ၼိုင်ႈ​လႄႈ​မိူင်း​ၼိုင်ႈ တၵ်း​ၶတ်း​တႃႉ​ၵၼ်​ဢေႃႈ။ တၢင်း​ဢၼ်​ဢိုပ်း​တၢင်း​ၵိၼ်​လႂ်၊ တၢင်း​ဢၼ်​ပဵၼ်​ၵႃႇလႃႉ​ႁႃႈ​လႅင်​မိူင်း​လႂ်၊ တၢင်း​ဢၼ်​ဢိင်ႇ​သၼ်ႇ​လႂ် တၵ်း​ပဵၼ်​ၵူႈ​တီႈ​ၵူႈ​လႅၼ်​ဢေႃႈ။- လွင်ႈ​တၢင်း​ၸိူဝ်း​ၼႆႉ တၵ်း​ပဵၼ်​ၵေႃႇၸႃႉ​ငဝ်ႈ​ႁၢၵ်ႈ​တုၵ်ႉ​ၶႃႉ​တၢင်း​ၶီ​တၢင်း​မႆႈ​ဢေႃႈ။

ပိၵ်ႉ​သမ်ႉ​ၽႃႉ​ၵၢင်​ႁၢဝ်​တင်း​လိၼ်​မိူင်း​ၼႆႉ တၵ်း​ႁၢႆ​လၢႆ​သေ​ၵေႃႈ၊ ၵႂၢမ်း​ၵဝ်​ၼႆႉ တၵ်း​ဢမ်ႇ​ႁၢႆ​လၢႆ။

ၵူၼ်း​ၼမ်​ၼႃႇ တၵ်း​ႁိမ်​ဢဝ်​ၸိုဝ်ႈ​သဵင်​ၵဝ်​သေ​လႄႈ ပေႃႇ​မႃး​လႄႈ​လၢတ်ႈ​ဝႃႈ၊ ၵဝ်​ၼႆႉ​ပဵၼ်​ၸဝ်ႈ​ၶရိၸ်ႈ​ဢေႃႈ၊ ဝႃႈ​ၼင်ႇ​ၼႆ​လႄႈ ပႅတ်ႉ​လႅၼ်​ၵူၼ်း​ၼမ်​ၼႃႇ​ဢေႃႈ။

ၶိင်ႇ​မိူဝ်ႈ​ၼၼ်ႉ​ၸမ်ႉ၊ ၶဝ်​တၵ်း​ဢဝ်​သူ​ဢၢပ်ႈ​ၵႃႈ​တီႈ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ​သေ​လႄႈ ဢဝ်​တၢႆ​ဢေႃႈ။ မဵဝ်း​ၵူၼ်း​တင်း​သဵင်ႈ​တင်း​လူင် တၵ်း​ၸင်း​သူ ၵွပ်ႈ​ပိူဝ်ႈ​ၸိုဝ်ႈ​သဵင်​ၵဝ်​ဢေႃႈ။- ၶိင်ႇ​မိူဝ်ႈ​ၼၼ်ႉ​ၸမ်ႉ၊ ၵူၼ်း​ၼမ်​ၼႃႇ ၸႂ်​တၵ်း​လူႉ​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ ၼင်ႇ​ၵၼ်​ၵၼ် တၵ်း​ၸင်း​ၵၼ်​ဢေႃႈ။- မိၵ်ႉသႃႇ​ပရေႃးၽႅတ်ႈ​ၼမ်​ၼႃႇ တၵ်း​ပေႃႇ​မႃး​လႄႈ ပႅတ်ႉ​လႅၼ်​ၵူၼ်း​ၼမ်​ၼႃႇ​ဢေႃႈ။

ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၼင်ႇ​ႁိုဝ်​ၽူႈ​လႂ်​တၵ်း​ဢမ်ႇ​လႆႈ​ပႅတ်ႉ​လႆႈ​လႅၼ်​သူ​ၸိုင် ႁဵတ်း​သတီႉ​တႃႉ။

ပိူဝ်ႈ​ၼႆ​လႄႈ သူ​မႄး​ႁႅၼ်း​ဝႆႉ​တႃႉ။ လွင်ႈ​မၼ်း​ၸမ်ႉ လုၵ်ႈ​ၵူၼ်း​တၵ်း​မႃး​ၶိင်ႇ​ၼႃႇရီႇ​ဢၼ်​သူ​ဢမ်ႇ​ထၢင်ႇ​ဢမ်ႇ​ထိူမ် ၼၼ်ႉ​ဢေႃႈ။

ပိူဝ်ႈ​ဢၼ်​သူ​ဢမ်ႇ​ႁူႉ​လွင်ႈ​ဢၼ် ၸဝ်ႈ​သူ​တၵ်း​ႁွတ်ႈ​မႃး​ၶိင်ႇ​ၼႃႇရီႇ​လႂ်​ၼၼ်ႉ​လႄႈ ပႂ်ႉ​ထႃႈ​ယူႇ​တႃႉ။

ၶိင်ႇ​ၼႃႇရီႇ​ဝၼ်း​ၼၼ်ႉ​ၸမ်ႉ၊ ၽူႈ​လႂ်​ဢမ်ႇ​ႁူႉ၊ တမၢၼ်ႇ​ၵၢင်​ႁၢဝ်​တင်း​လၢႆ ဢမ်ႇ​ႁူႉ၊ ၸဝ်ႈ​ပေႃႈ​ၵဝ်​ပႃး​လဵဝ်​ၵူၺ်း​ႁူႉ​ဢေႃႈ။

လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ႁဵတ်း​မိူၼ်​ၼင်ႇ​ႁၢင်ႈ ၸဝ်ႈ​ၶရိၸ်ႈ​ဢိၵ်ႇ​တင်း​မိၵ်ႉသႃႇ​ပရေႃးၽႅတ်ႈ​တင်း​လၢႆ​ၼၼ်ႉ​တၵ်း​ပေႃႇ​မႃး​လႄႈ ပေႃး​ပႅတ်ႉ​လႅၼ်​လႆႈ​ၸိုင်၊ ၶဝ်​တၵ်း​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ​ဢၼ်​ယႂ်ႇ ဢိၵ်ႇ​တင်း​လွင်ႈ​တၢင်း​ဢၼ်​လီ​ဢၢမ်း​တင်း​လၢႆ ႁႂ်ႈ​လႆႈ​ပႅတ်ႉ​လႅၼ်​ၶဝ်​ၸိူဝ်း​ဢၼ် လိူၵ်ႈ​ၵဵပ်း​ဢဝ်​ၼၼ်ႉ​ဢေႃႈ။

တၢင်း​ဢၼ်​လုၵ်ႈ​ၵူၼ်း​မႃး​ၼၼ်ႉ တၵ်း​ပဵၼ်​ၸိူဝ်ႉ​ၼင်ႇ​ဢၼ်​ပဵၼ်​ၼႂ်း​ၸူဝ်ႈ​ပၢၼ် ၼူဝ်းဢႃႇ​ၼၼ်ႉ​ဢေႃႈ။- ၸိူဝ်ႉ​ၼင်ႇ​ဢၼ် ၵူၼ်း​တင်း​လၢႆ​ၵိၼ်​ယူႇ၊ ဢဝ်​ၽူဝ်​ဢဝ်​မေး​ယူႇ၊ ဢၢပ်ႈ​ပၼ်​ၵၼ်​ယူႇ​ၼႂ်း​ၶိင်ႇ​မိူဝ်ႈ​ဢၼ် တၢင်း​ဢၼ်​ၼမ်ႉ​ထူမ်ႈ​မိူင်း ဢမ်ႇ​ပႆႇ​ပဵၼ်​တေႃႇ​ထိုင်​ႁွတ်ႈ ဝၼ်း​ဢၼ်​ ၼူဝ်းဢႃႇ ​ၶဝ်ႈ​ၵႃႈ​ၼႂ်း​ႁိူဝ်း​သၢင်း​ၽေႃး​ၼၼ်ႉ​လႄႈ၊- ဢမ်ႇ​မီး​သတီႉ​တေႃႇ​ထိုင်​ႁွတ်ႈ​တၢင်း​ဢၼ်​ၼမ်ႉ​ထူမ်ႈ​မိူင်း​မႃး ပႄႇ​ၽဵဝ်ႈ​ပႅတ်ႈ​ၵူၼ်း​တင်း​သဵင်ႈ​တင်း​လူင်​ၼၼ်ႉ၊ တၵ်း​ပဵၼ်​ၼႂ်း​တၢင်း​ဢၼ် လုၵ်ႈ​ၵူၼ်း​မႃး​ၼၼ်ႉ​ဢေႃႈ။