Папулярныя біблейскія вершы з Röm 8

Падзяліцца

'Ba ŋääø ni Jwøk tïïö ri jammi bëët nee bëënyge jï jøw wø mëër ki eni, jøøa näk ee cwølø keda mana manynye.

Kiper ŋääa døøc ni thøø, wala kwøw, wala nyïïatwiet maal, wala gïïa jïge da teek maalø, wala gïï ni nutö ii, wala japo ööi, wala moa jïge da teek, wala gïï mo ena maal, wala gïï mo ena piny tiet ŋøøm, wala gïn mør jaak dëët moa näk ocwääö bëët, bäŋ gïrpiny aciel dïge mo doo maara lønyø jïre ki man pää øøni ki mëëc Jwøk ni en dëër Krictø Jecu na näk Kwääyø.

Kaawat manøgø thuwø, Jwïëc Jwøk wø kønya øøni kiper mana jägø. Kiper lam mana døø lämö ki gø kuuø. 'Ba beeye Jwïëc Jwøk ki dëëre ni wø kwääö kiperø nyïm Jwøk, ni eni jwöŋö ki cwïnye bäre ki dwøl mo ba maar caan ki dhøk.

?Agïnaŋø nø, noo caanø kiper gïïögø? ?Ni näk mo Jwøk ena kurø, aŋa noo männi ki øøni?

Kiper manøgønø, kawaane bäŋ ajäla bäät jø wø en dëër Krictø Jecu.

Ki man cïp cwïny køør dëël beeye thøø. 'Ba ki man cïp cwïny køør Jwïëc Jwøk beeye kwøw ki bëët-mëër.

Jïre bäär. 'Ba ki yïth gïïögø bëët teeka øøni ki køør ŋata mëër ki øøni, ni bäŋ gïn mo maarge tïïc.

Kiper yaa caarø ni gïï leth ni nut ii ba doo rømø ki man pääri ka ajiem mano nyooth jïïø.

?Aŋa noo pää øøni ki mëëc Krictø? ?Aŋø, beeye gïïo leth noo jwørø, wala moo thäŋ yïthø ki ge, wala caannø, wala meel, wala wääth dëël, wala kany mo raac ma kar thøø, wala opëëllö?

'Ba ŋat wø dar cwïny jiy, gïna en cwïny Jwïëc Jwøk ŋääe, kiper beeye Jwïëc Jwøk ni wø kwääö kiper jø Jwøk keda mana many Jwøki.

Kiper jiy bëët mo wø bwøth Jwïëc Jwøki, gena nyïï Jwøk.

Kiper jø wø bëën dëël, cwïnyge ege cïp køør jap wø many dëëlli. 'Ba jø wø bëën Jwïëc Jwøk, cwïnyge ege cïp køør jap wø many Jwïëc Jwøki.

?Ŋata kär män Wääde kiree, 'ba acïbe kiperø bëët, jammi bëët ba dee mëëga øøni ki eni na aciel?

beeye Jwïëc Jwøk kiree ni wø cäänö na aciel ki jwïëyø ni øøna nyïï Jwøk. 'Ba ni näk øøna nyïïe nø, øøna lwiidhi, na lwiidhi mo Jwøk, ni øøna lwiidhi ki Krictø na aciel, ni näk mo ø jwøra gïï mo leth ki eni na aciel, kiper nøø jiem ki eni na aciel thuwø.

Kiper cwïny man wø näk ocïp køør dëël, män ki Jwøk, ni dwør ciik Jwøk ba leŋe, ni ba maar lønyø jïre ki man leŋ gø.

Kiper jammi bëët moa näk ocwääc Jwøki ge koora kanyo nyooth nyïï Jwøk yie, ni nyeŋge ege peerø.

Ni ŋääø ni gïïo no ocwääö yi piny bäre yøø wø bëëdö ni ge cooyø ciel ki cooyø mo rööma coony mäc lwaar, këël kawaane.