Папулярныя біблейскія вершы з Röm 12

Падзяліцца

Käru bëëdö nou caala jø pinyi en këët, 'ba tïmu nou nyärö ki køør mana døøc cwïnynyu mo nyärö, kiper nee mana many Jwøki nee ŋäyu døøc, ki gïn mo beer ma kare man wø jïëc Jwøki.

Kiper manøgønø, nyïïmera, a kwaya uuni ki køør met yi Jwøk na päl ki man cïpu dëëtu no olämi mo kwøw ni ena kur keere, na gïn wø jïëc Jwøki, ni beeye lam maru ni wø en cwïnynyu.

'Ba yïthu mïnge ki ri ŋäädhe maru, ni cïbu cwïnynyu piny ki gïïo leth ni wø pïï dëëtu, ni lämu cooth.

Kärï bööt raayi, 'ba raay wär böötï ki gïno beer.

Ŋati man nø mëëre ki wati maya ki mëër man wø mëër nyïïmëëe ki gø. Ni ö ŋati man nø ni laar wödö wëëk wati maya.

Beerra man mëërru ki mëër mo ree bäŋ atade. Männu ki gïno raac ni magu gïno beer.

'Ba ni näk mo løny jïïu ki kun ni da kuru en, u doo bëëdö ki bëët-mëër ki jiy bëët.

Omëëya, kär kwöri mou coollu ki dëëtu, 'ba wiiu cer Jwøk kanyo wëëre. Kiper ogöörö, ni «Kö Wuuö Jwøki, ni ‹Cool kwöri beeye mara, ni beeye aani noo cool ge.› »

Käru jøøm ki tïïu, 'ba bëëdu nou tïnynya Wuuö ni täärnyïmmu leer ki Jwïëc Jwøk ni en cwïnynyu.

'Ba a cäänna uuni u bëët ki køør met yi Jwøk na wëëk aani, nee bäŋe dhaanhø dïïu mo caar dëëre ni eno kadhø ni kaala mana dee caarø. 'Ba ŋati man nø wïïe wär caare døøc no orømø ki ŋäädhe mana wëëk Jwøki eni.

Kär nou dwøga gïn mo raac jï ŋato caan gïn mo raac dëëtu, 'ba caarru gïno beer ki jï jiy bëët.

Bëëdu ki cwïny aciel. Käru tïmö nou töödö, 'ba ŋïïyu ki jø wø can. Ni ba caarru gø ni kadha uuni.

'Ba «Ni näk nyimännï ree da käc, caamï. 'Ba ni näk mo onäk riewi, mooc eni ki gïn maadhe. Kiper noo tïïyï manøgø, ï kïtha cuk mo oäpö wïïe.»

Gwïëthu jø wø caan uuni. Gwïëthu geni ni ba ciennu ge. Yïthu mïnge ki jø wø yïthge met. Ni jwöŋu ki jø wø jwöŋi.

Nywaagu japu ki jø Jwøk mo wø can, ni bëëdu nou pänhnha jiy.

Kiper ŋääø ni dëël aciel da thäŋi mo thööth, ni thägögø ba tïïc tïïc aciel. Kaawat manøgønø, këël na thöödhø, øøna dëël aciel ri Krictø, ni ŋati man nø ena thääŋö ri wati maya.