Папулярныя біблейскія вершы з ወንጌል ዘማርቆስ 2

Падзяліцца

ወሰሚዖ እግዚእ ኢየሱስ ይቤሎሙ ሕሙማን ይፈቅድዎ ለዐቃቤ ሥራይ ወአኮ ጥዑያን ኃጥኣነ እጸውዕ መጻእኩ ወአኮ ጻድቃነ።

ወርእዮ እግዚእ ኢየሱስ ሃይማኖቶሙ ይቤሎ ለውእቱ መፃጕዕ ወልድየ ተኀድገ ለከ ኀጢአትከ።

ወይቤሎሙ ሰንበትሰ በእንተ ሰብእ ተፈጥረት ወአኮ ሰብእ በእንተ ሰንበት።

ወሶበ ስእኑ አብኦቶ ኀቤሁ እስመ ጽፉቅ ሰብእ ኀበ ሀሎ እግዚእ ኢየሱስ ዐርጉ ናሕሰ ወነሠቱ ጠፈረ ወአውረድዎ ምስለ ዐራቱ ዘዲቤሁ ይሰክብ ውእቱ መፃጕዕ።

ከመ ታእምሩ ከመ ብዉሕ ሎቱ ለወልደ ዕጓለ እመሕያው ይኅድግ ኀጢአተ በዲበ ምድር። ወካዕበ ይቤሎ ለውእቱ ድዉይ ለከ እብለከ ተንሥእ ወንሣእ ዐራተከ ወእቱ ቤተከ።

ምንት ይቀልል እምብሂሎቱ ለዝ መፃጕዕ ተኀድገ ለከ ኀጢአትከ ወእምብሂሎቱ ተንሥእ ወንሣእ ዐራተከ ወሑር በእገሪከ።

ወተንሥአ ሶቤሃ ወነሥአ ዐራቶ ወወፅአ በቅድመ ኵሉ ሰብእ ወደንገፁ ኵሎሙ ወአእኰትዎ ለእግዚአብሔር ወይቤሉ ግሙራ ኢርኢነ ዘከመዝ።