Папулярныя біблейскія вершы з ማ̈ቶ̈ሳ 19

Падзяліцца

ዬሱ̈ሲ ኢንታ̇ ቢሪንቲ̇ ቤቃ̇ሪ “ዪ̈ፌ̈ኖ ባዛ̈ዲ ኣሳብ ዳንዳኢንቲ̇ባ̈ሴ፤ ጾ̈ሳ̇̇̈ቦ ዎይ ባዚ ዳንዳኢንቲ̇̈ሬ” ጌይዴ።

ኢንቲ̇ ዓኒፖ̇ ጌዳ ዎልኣ ፔቲ̇ ኣስፌ̈ንዶኬ ናምኢ ኣስፌ̈ን ማ̈ቂ̇ባ̈ሴ። ዪዚ ጾ̈ሲ̇ ዎልኣ ፔታ̇ን ማሂኖን ኣሲ ኢንታ̇ ፋጋፖ̇ ጋ̈ቤ” ጌይዴ።

ዬሱ̈ሳር ኢንታ̇ኮ “ጾ̈ሲ̇ ቲ̈ን ኢንታ̇ ኮቺ̇̈ርዶሪ ‘ኣቲናኬ ማጫ̇ክ ማ̈ሲ ኮቺ̇ዴ’ ጌይኖን ዪንቲ̇ ናባ̇̈ባካ̇ያ? ማ ‘ዪ̈ኮታ̇ቦ ኣሲ ፌ ባ̈ባኬ ፌ ኢንዲክ ኣሻ̇ሪ ፌ ማጪ̇ምባር ዎልኣ ፔታ̇ን ማ̈ቃ̇ር ዶኢ̈ሬ’

ዬሱ̈ሳር ኢንታ̇ኮ “ጾ̈ሳ̇̇ ካ̈ቲቲ ዓንፌ̈ኖንይ ማ̈ቂ̇ኖኮታ̇ቦ ኣቂሊ ናኣን ዓይ ታ̈ክ ዬዮጋ̈ቤ ካያፒ̇ቴ” ጌይዴ።

ማ̈ቂ̇ናካሬ ዓት ቲ̈ን ዎ ኣሳን ዎይሊንን ጋስ ማ̈ቂ̇ሬ፤ ጋስ ዎን ዎይሊንን ቲ̈ን ማ̈ቂ̇̈ሬ” ጌይዴ።

ቴ ጊሻ̇ቦ ጋ̈ሪ ፌ ኣ̈ሊንዶ፣ ፌ ኢሺንታ̇ን፣ ፌ ሚሺንታን፣፥ ፌ ባ̈ባ̈ዳ፣ ፌ ኢንዲ̇ንዶ፣ ፌ ናኣን ዎይ ፌ ዎት ጋዲንዶ ኣሺ̇ዝ ኣሲ ዎይ ፌ ኣሺ̇ኖ ባዛን ዪን ጼ̈ታ ኩሽ ዲጚ̈ሬ፤ ማ ሜናብ ሼምፓባር ዶኢ̈ሬ።

ዬሱ̈ሳር ኢ̈ኮ “ኔ ጋልዳ ማዛ ባዮ̇ ኣስ ማ̈ቃ̇ንዳ̇ብ ኮያዶኮ ሉካ̇ራ ኔ̈ብ ዎ ባዝ ዎይ ዎጛራ ሚ̈ሺ̇ን ዎርባያብ ኢማ̇ቤ። ኔ̈ኒ ኣፋ ጾ̈ሳ̇̇ ቲ̈ን ቆሊን ዲጛ̈ሬ፤ ዪዚ ዪኒ̇ፖ ዓኒ ዬ̈ራ ቴ ዎሂን ዬ̇ቤ” ጌይዴ።

ዬሱ̈ሳር ኢ̈ኮ “ኮሽ ባዚ ኣብዝኮ ኔ ታ̈ና ኣ ኦይጫ̇̈ራ? ኮሻ̇̈ዲ ፔቲ̇ ጾ̈ሳ̇̇ ሙታ̇፤ ኔ̈ኒ ሜናብ ሼምፓባር ዶኢ̇ ዲጛንዳብ ኮያዶኮ ጾ̈ሳ̇̇ ኪ̈ታን ና̈ጋቤ” ጌይዴ።

ማ ቴ ዪንታ̇ክ ጋ̈ዚንዳ፥ ዱር ኣሲ ጾ̈ሳ̇̇ ካ̈ቲቲን ጋርታ̇ ጌላዚምፖ̇ ጊማሊ ናርፓ̇ ፉላባር ኣ̈̇ዚን ዋዪባሴ” ጌይዴ።

ቴ ዪንታ̇ክ ጋ̈ዚንዳ ኣሲ ኢ ማጪ̇ን ኦሎላ ጋዳ̇ር ቤንታ̇ካ̇ይዶን ኢዞ ኬሳ̇ሪ ሜላ ማጫ̇ ኤኬ̇ጌይን ና̈ሳ ዪ̈ዲ ኦሎላ ጋዲ̇ኔ። [ፌ ኣስና ጋልዳ̇ፖ̇ ኬስኪ̇ኖ ማጪ̇ን ኤኪ̇ኖ ኣሳር ዪና̇ ኢዝፌ̈ን ኦሎላ ጋዲ̇ኔ]” ጌይዴ።

ኢናፖ̇ ዬሱ̈ሲ ፌ ታማ̈ራንኮ “ቴ ዪንታ̇ክ ኪን ጋ̈ሬ፥ ዱር ኣሲ ጾ̈ሳ̇̇ ካ̈ቲቲን ጋርታ̇ ጌላንዳቦ ዎይሊን ዋ̈ዪ̈ሬ።