Папулярныя біблейскія вершы з མེ་ཐིའུ་ལེའུ་ 19

Падзяліцца

ཡེ་ཤུ་གིས་ཁོང་ལུ་ཐད་ཀར་དུ་གཟིགས་ཏེ་ མི་གིས་འབད་མི་ཚུགས་ དེ་འབདཝ་ད་ དཀོན་མཆོག་གིས་མཛད་མ་ཚུགསཔ་ ག་ནི་ཡང་མེད་ཟེར་གསུངསམ་ད།

ད་ཁོང་གཉིས་མེན་པར་གཅིག་ལུ་འགྱུར་ཚརཝ་ཨིན་ དེ་འབདཝ་ལས་དཀོན་མཆོག་གིས་ གཅིག་ཁར་བསྡོམ་གནང་མི་དེ་ མི་གིས་རང་ས་ཁ་འབྱལ་ཐག་མི་ཆོག་ཟེར་གསུངས་ནུག

དེའི་ལན་ལུ་ཡེ་ཤུ་གིས་ དཀོན་མཆོག་གིས་འགོ་དང་པ་ལས་རང་ མི་ཕོ་དང་མོ་གཉིས་ལུ་མཛད་ནུག་ འདི་གིས་འབད་ཕོ་རྒྱ་གིས་ཡང་ རང་གི་ཨ་པ་དང་ཨའི་བཀོག་བཞག་སྦེ་ ཨམ་སྲུ་དང་གཅིག་ཁར་བསྡོམས་ཏེ་ ཁོང་གཉིས་ལུས་གཅིག་ལུ་འགྱུརཝ་ཨིན་ཟེར་ གསུང་རབ་ནང་གསུངས་ཡོད་མི་དེ་ ཁྱེད་ཀྱིས་ལྷག་སྟེ་མ་བལྟ་ག།

དེ་འབདཝ་ད་ཡེ་ཤུ་གིས་ ཨ་ལོ་ཆུང་ཀུ་ཚུ་ལུ་མ་བཀག་པར་ ང་སྡོད་སར་འོང་བཅུག་ ག་ཅི་སྨོ་ཟེར་བ་ཅིན་ ཞིང་ཁམས་ཀྱི་རྒྱལ་སྲིད་དེ་ ཨ་ནི་བཟུམ་ཚུ་གི་དོན་ལུ་ཨིན་ཟེར་གསུངས་ཏེ།

དེ་འབདཝ་ད་ ད་ལྟོ་ཧེ་མ་ལས་ཐོན་འགྱོ་མི་ལེ་ཤ་ཅིག་རང་ ཤུལ་ལས་ལུས་ནི་ཨིན་ དེ་ལས་ད་ལྟོ་ཤུལ་ལས་ལུས་ཏེ་ཡོད་མི་ལེ་ཤ་ཅིག་རང་ ཧེ་མ་འཐོན་འགྱོ་འོང་ཟེར་གསུངས་ནུག།

དེ་ལས་ག་ར་འབད་རུང་ ངེ་གི་དོན་ལུ་ རང་གི་ཁྱིམ་ ཕོ་རྒནམ་དང་ནུ་གཅུང་ ཨ་ཞེམོ་དང་སྲིངམོ་ ཕམ་དང་རང་གི་ཨ་ལོ་ཚུ་ དེ་ལས་ས་གཞི་འདི་ཚུ་ སྤང་མི་གིས་ བརྒྱ་ལས་བརྒྱ་ཆ་སྦེ་ལོག་སྟེ་ཐོབ་མ་ཚད་ ཚེ་མཐའ་མེདཔ་ཡང་ཐོབ།

དེའི་ལན་ལུ་ཡེ་ཤུ་གིས་ ཁྱོད་ལུ་ག་ར་ཕུན་སུམ་ཚོགསཔ་སྦེ་དགོ་པ་ཅིན་ འགྱོ་ཞིནམ་ད་ ཁྱོད་ནང་ཡོད་མི་རྒྱུ་ནོར་ཚུ་ག་ར་བཙོང་སྟེ་ ཏི་རུ་འདི་མི་སྤྱང་ཀ་ཚུ་ལུ་བྱིན་ དེ་གིས་འབད་ ཁྱོད་ཀྱིས་རྒྱུ་ནོར་ཞིང་ཁམས་ལུ་ཐོབ་ནི་ཨིན་ དེ་ལས་ཁྱོད་རང་ངེ་གི་སློབ་མ་སྦེ་ཤོག་ཟེར་གསུངས་ནུག

དེའི་ལན་ལུ་ཡེ་ཤུ་གིས་ཁྱོད་ཀྱིས་ང་ལུ་ ག་ཅི་འབད་ལེགས་ཤོམ་གྱི་སྐོར་ལས་དྲིཝ་སྨོ་ ལེགས་ཤོམ་དེ་དཀོན་མཆོག་མ་གཏོགས་གཞན་མེད་ ཁྱོད་ཚེ་མཐའ་མེདཔ་དེ་ཐོབ་དགོ་པ་ཅིན་ བཀའ་ཁྲིམས་དེ་ཚུ་སྲུངས་ཟེར་གསུངས་ནུག

ད་རུང་ང་གིས་ཁྱེད་ལུ་སླབ་དོ་ མི་ཕྱུགཔ་ཞིང་ཁམས་ཀྱི་རྒྱལ་སྲིད་ནང་འཛུལ་ནི་ལས་ རྔ་མོང་གཅིག་ ཁབ་ཀྱི་ལུང་ནང་འཛུལ་ནི་དེ་འཇམ་ཏོང་ཏོ་འོང་ཟེར་གསུངས་ནུག

ང་གིས་ཁྱེད་ལུ་སླབ་དོ་ ག་ར་འབད་རུང་ཨམ་སྲུ་གིས་རང་གི་ཕོ་རྒྱ་དང་གཅིག་ཁར་ ལེགས་ཤོམ་སྦེ་མ་སྡོད་པར་ མི་གཞན་དང་གཅིག་ཁར་ལུས་འབྲེལ་འབད་དེ་ ཁ་འབྱལཝ་མ་གཏོགས་ དོན་དག་གཞན་ལས་འབད་ རང་གི་ཨམ་སྲུ་དང་ཁ་འབྱལ་ཏེ་ ཨམ་སྲུ་གཞན་དང་གཉེན་རྐྱབ་པ་ཅིན་ མི་འདི་ལུ་གཉེན་ལས་འགལ་བའི་ལུས་འབྲེལ་འབད་བའི་ཉེས་པ་ཕོག་ཟེར་གསུངས་ནུག

དེ་ལས་ཡེ་ཤུ་གིས་ཁོ་རང་གི་སློབ་མ་ཚུ་ལུ་ ང་གིས་ཁྱེད་ལུ་དོན་ལས་རང་སླབ་ཨིན་ མི་ཕྱུགཔ་དེ་ཚུ་ཞིང་ཁམས་ཀྱི་རྒྱལ་སྲིད་ནང་འཛུལ་ནི་ལུ་ གནམ་མེད་ས་མེད་ལཱ་ཁག་ཨིན།