Папулярныя біблейскія вершы з uMataayi 24

Падзяліцца

Havhili, mwe pe uvhuvhiivhi vhuliivula nkaani, avhantu avhinji vhaliileha kuvhakunda avhamwavho. Ileelo we alijimbiilila kufishila ku vhusililishilo, we aliipokwa.

Havhili Izwi iLyinza ilya vhumwene uvhwa Mulungu lilikumuha mu nsi zyonti, inga livhe vhuhomeshezi ku vhantu vhonti. Ipo pe uvhusililishilo uvhwa nsi vhuliyinza.”

Ahavhaliilizyo iho muliyivwaga inkoolo izya vhulugu ni nongwa izya vhulugu, mutahinze musaaje. Poosye zivhe vhuli, izyo zikwanzilwa kufumila, ileelo ahavhaliilizyo aheene aha kumpeleela haliivha hashiili.

Insi yililwanga ni nsi iyamwavho, vhwope uvhumwene vhulilwanga nu vhumwene uvhwamwavho. Havhili kuliivha inzala ni visumbi uku nuukwo. Vwonti ivwo viliivha vhwandilo vhweleele uvhwa havhaliilizyo aha kumpeleela, inza vwe uvhuvhaavi vhwe vhwandilo uvhwa mwantanda kupaapa.

Imwanya ni nsi viliyeepa, ileelo poosye zivhe vhuli amazwi gaane galilunjiha.”

Nkuvhavhuuzya vhwevhulo, mwe pe avhantu avhinji vhaliyinza kwi izina lyane, vhaliiti, ‘Ine ne ne Chilisiti!’ Vhalivhahopenkanya avhantu avhinji.

“Ahavhaliilizyo iho, avhantu avha mu nsi zyonti vhalivhavitilwaga, vhalivhalemaga nu kuvhayimvwa nu kuvhagoga, mwe pe mukundandata ine. Pe avhantu avhinji vhaliileha kundandata. Vhaliyanilanaga nu kuviitana vhuuvho vheeka. Havhili avhakuvhwi avhinji avha ilenga vhalifumila, vhoope vhalivhahopenkanya avhantu avhinji.

UYeesu ahavhaamula ahati, “Muvhanje minso, inga vhatahinze vhavhahopenkanye!

Pe ishi, niimwe muyisenganyaaje ahavhaliilizyo honti, mwe pe ne Mwana wa Aadamu ndiyinza ahavhaliilizyo he mutasuvhiiye.”

Pe ishi, muvhanje minso, mwe pe mutamanyile isiku lye ne Mwene wiinyu ndiyinza.

“Ileelo izya isiku liila na havhaliilizyo haala, ataliipo umuntu we amanyile, poosye avhahavhizya vhe vhali ku mwanya, poosye uMwana, nkandi we Taata weeka vhweleele.

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivipiti havhili ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Inza vwe zyámile insiku izya Noowa, vwe ziliivha ahavhaliilizyo aha kugaluha ine ne Mwana wa Aadamu. Insiku izyo lwe intalala yishiili kwinza, avhantu vhahalyanga nu kumwela, vhahimalaga nu kwimalwa, kufishila isiku liila lye uNoowa áyinjiiye mu mbogooso. Avhantu ivho vhatámanyile naashimo she shingafumila mwilongolela, kufishila pe amahavha gavhalovwa vhonti. Vhwevhulo, vwe kuliivha kwinza kwane ne Mwana wa Aadamu.