Папулярныя біблейскія вершы з रोमियों 3

Падзяліцца

क्युं क सबळा पाप कर्या छ अर सबळा परमेसर की महमा सुं आंतरअ छ। पण बीकी दीया सुं अर उं छूटवाड़ा सुं ज्यो मसी ईसु म छ सितमात धरमी ठेराया छ।

सबळा बस्वास करबाळा बेई ईसु मसी मं बस्वास करबा सुं परमेसर की ओड़ी सुं मलबाळी धार्मिकता बना कोई फरक कर्या परगट करी गई छ।

ईसु मसी की मोत मं बस्वास करबा सुं पापा की छमा पाबा बेई परमेसर ईसु मसी न्अ एक बलिदान का रूप मं देदियो। अस्यान परमेसर खुदकी धार्मिकता न्अ परगट कर्यो। क्युं क परमेसर मनखा का पेली का पापा न्अ खुदकी सेनसीलता सुं अनदेखा कर दियो। क आज वो ई बगत मं खुदकी धार्मिकता न्अ परगट करअ जिसुं वो खुद धरमी अर ज्यो ईसु मसी मं बस्वास रखाण्अ छ वान्अ धरमी ठेराव्अ।

बेवस्था का कामा सुं कोई बी मनख परमेसर क साम्अ धरमी कोन ठेर सक्अ। क्युं क बेवस्था सुं तो पाप की पेचाण होव्अ छ।

सास्तर खेव्अ छ, “कोई बी धरमी कोन्अ, एकबी कोन्अ। कोई बी समझदार कोन्अ एकबी कोन्अ कोई अस्यानको कोन्अ ज्यो परमेसर न्अ हेरतो होव्अ। सबळा भटकग्या, वे सबळा बगड़ग्या, कोई बी भलाई करबाळो कोन्अ एकबी कोन्अ।

जिसुं म्हे ई नतिजा प्अ पुच्या छा क कोई बी मनख बेवस्था का कामा की जस्यान चालर नही, पण बस्वास सु'ई धरमी बण सक्अ छ।

एकधम नही, ज्यो हरेक मनख झूंटा होव्अ तोबी परमेसर सांचो छ। जस्यान सास्तर मं मण्ढरी छ, “जिसुं तु खुदकी बाता सुं धरमी ठेरअ अर न्याऊ करती बगत तु जै पाव्अ।”