Папулярныя біблейскія вершы з यहून्ना 14

Падзяліцца

थानै चिंत्या करबा अर डरबा की जुर्त कोनी, क्युं क म थानै स्यांती देस्युँ। आ इ दुनिया की स्यांती की जंय्यां की कोनी, आ बा स्यांती ह, जखी मई दे सकूँ हूँ।

ईसु बिऊँ बोल्यो, “सच, जीवन अर गेलो मई हूँ। मेरै बिना कोई परम-पिता कनै कोनी जा सकै।”

ईसु आपका चेलाऊँ बोल्यो, “मन म चिंत्या कर उदास मना होवो , पण परमेसर अर मेर प बी बिस्वास करो।

मदद करबाळी पबितर आत्मा, जिनै परम-पिता मेरा नामऊँ भेजसी थानै सगळी बाता सीखासी। अर जखी बाता म थारूँ बोल्यो हो बे सगळी थानै याद दिवासी।

जखा बी मेरा हुकमानै मानर बिपै चाली हीं, बे बामै हीं जखा मेरूँ परेम करी हीं, जखा मेरूँ परेम करी हीं बाऊँ परम-पिता परेम करसी अर म बी बाऊँ परेम करस्युं। अर खुदनै बापै परगट करस्युं।”

म थारै ताँई परम-पिताऊँ एक मददगार की माँग करस्युं, जखो सदाई थारै सागै रेह्सी। बा पबितर आत्मा ह, जखी परमेसर की सचाई थार प परगट करसी। बा इ दुनियानै कोनी मिल सकै, क्युंक आ दुनिया बिनै नइ तो देख सकै अर नइ जाण सकै, पण थे बिनै जाणस्यो, क्युंक बा थारै सागै थारै मांयनै रेह्सी।

अर थे जोक्यु बी मेरा नामऊँ माँगस्यो म करस्युं, क्युं क परम-पिता की मेमा बेटा क जरिए दिखाई ज्यासी। ज थे मेरूँ मेरा नामऊँ क्युंबी माँगस्यो, जणा म बिनै करस्युं।”

ईसु आपका चेलाऊँ बोल्यो, “ज थे मेरूँ परेम करो हो, जणा थे मेरै हुकमा प चालज्यो।

म ईस्बर नगरी म थारै रेह्बा की झघा बणाबा जार्यो हूँ। परम-पिता का घर म घणिई झघा ह ज अंय्यां नइ होतो तो म थानै कोनी बोलतो।

बठै थारै ताँई झघा बणाया पाछै म थानै लेबा आस्युं। बिकै पाछै आपा सागैई रेहस्यां।

थोमा बाऊँ बोल्यो, “परबु, थे कठै जार्या हो म्हें कोनी जाणा। जणा बठै जाबाळा गेलानै म्हें कंय्यां जाण सकां हां?”