Папулярныя біблейскія вершы з Sacharja 9

Падзяліцца

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

O baro Dewel penell: Me lau i kurepangre wurdja krik dran o them Israel, un i kurepangre graja dran Jerusalem. Un i kurepangre boge wenn phagedo. Tumaro baro rai lell o tchingepen krik mank i natsjone. Job hi o rai fun jek baro panjestar bis ap o wawar, fun o panjestar Eufrat bis an i dureder themma ap i tseli phub.

Ap ko diwes lell len lengro baro Dewel win dran i tchilatche wasta. Job hi lenge har i bakrengro, kai dell garda ap peskre bakren. Har i kutch barra ap i rajeskri stadi krenn le o them shukar.