Shunenn, penell o baro Dewel,
o tsiro wella, kai well o djob jaake sik bares,
te wenn i tchinepangre khetne kolentsa,
kai i phub trujel witsrenn.
Un jaake bud drake hi koi,
te hi gomme gar i mool kerdo i tsele drakendar,
har ko tsiro well, kai newo djob win witsedo well.
Dell jaake bud drake, te nashell o mool i bare un tikne berge tele.
Me anau mire menshen Israel pale an lengro them.
Un jon krenn i tele-phagede forja pale newes,
un djiwenn koi dren,
un tchiwenn drakengre ruka an i phub,
un pijenn lengri mool,
tchiwenn ruka an i phub
un chan lengre rukengre.
