Папулярныя біблейскія вершы з Vafilipi 2

Падзяліцца

Mulasheetana kindo kyoose mwiiwakyanaa nta mwikung'anisaa-fo, kyaindi taniny fyoose mwikunyiisye, wo nndu nalollye yeto ungyi sheelyi mmbo akee ng'waana ngota we muni. Kulave nndu ava mwiisara mbony takwe muni, kyaindi wo umwi waany nave mwiikusara kya yeekya vengyi.

Veny na nrima wa ngata yeyo sheni shasa yekee nnang'ani ya Kristo Yesu

mashika we muni lllya kipooka mmbo ekee na ngata ya Iruva, lyo we nnyalelollya iva wa ngata ya Iruva nkindo kyeekutira nakyo-fo; llyo we muni mmbo aleva sheelyi nalatiri itumbe, kava sha ishinga, karaa ngata ya nndu wa vandu; lyingyi-se llya alelollyo mmbo atiri fwana ya nndu wa vandu, mmbo alekunyiisa we muni katira wiindi kutani akooya ufu, yee, ufu lwa alya nsalabeny.

Mashika ni Iruva akeerunda mashora nnang'ani yaany, ikunda lyany na irunda lyany, mushiinutyaa mesha yoo akundye.

Naasa Iruva kanng'anisa nnu, kansimba irina lyiilanyi marina moose; naambo wo nndu nashefiirya irina lya Yesu ndi, va iruvee-u na va ya ulaniny, na va efo si ya ulana. Na wo ulumi lwaambe paa sheelyi YESU KRISTO NI NNDUMI, naambo Iruva Nde naute-u ing'aniswa.

Rundeny findo fyoose kulaifo nkunung'unu ao iwakyana, naambo mukooye iva vana vesha va Iruva valatiri mbese, nta ulembi, mulatiri nta ntambo yaa irikeny elyi lyikee ilyang'a lyikeenda mwiiri, neeni elyi mukee nnang'ani yaawo mmbo mulollyo sha sa niini ya ulaniny yelu

Kyasiany vakunde vakwa, shaasa muletira wiindi mikonu myoose, nta nshi kyeeri kilya shekee neeni-da-fo, kyaindi kive indo mmwasi elyi shilaiyo, moore ukiro lwany yeni muveni mwiitirwa ni usau na irerema.