Папулярныя біблейскія вершы з Walumi 2

Holeka agwe go muyangu mono wukuwalin'aniza wono wakwituma imakani gaga, akuno kanyhi na gwegwe go mweneco go wukwituma, wukwihwesa lu kolokwilega ku ning'aniza yo Mulungu? Hamba lunji wukuwubedegala u wuswanu wakwe, ne ngola yakwe, no wukangalile wakwe, hamba si wukumanya vyono u wuswanu wuwo wo Mulungu, wukukutonga ho wusume kunena?

Holeka go munhu, wusina cikojelo, mono wukuwaling'aniza iwayago, hamba wuwe vyono winha. Hambi hono wukuwaling'aniza i wanji, nha wukwilijita go mweneco, ku soko vyono na gwegwe go mweneco, nha wukwituma zizo zono wukuwaling'aniza iwayago.

Hambi u Mulungu nha yasina wusiwanule kuli munhu wo wose.

U munhu, si kosuma kuvumilwa hali Mulungu, so kuwuhulika bwete du Wulajilize, langa mono yakuwituma Wulajilize.

Mwi'zuwa lilyo, u Mulungu, kolomulipa munhu wo wose nha vyono genha imetumo gakwe.

Ninga awalya wanji wono wakulema izinghani ze mbeka, langa wakutyatya izimbi, u Mulungu kolowamwajila ilikuwo no wukali wakwe.

Ninga so wukamu ne cibede ca mu nhumbula yako, wukwiwicila go mweneco ilikuwo, kwi'zuwa alilya lyono ilikuwo lyo Mulungu lyono lina i ning'aniza ye ling'ani lyologubulwa.