Папулярныя біблейскія вершы з Sélimɛ 17

Падзяліцца

Lǎli ni Abirami taa lè yɛ̀ʔɛlɛ dabata nibin fɔ̀n, a Yawe wiyɛɛ dɛ̀ɛn wi na níì wi pye: «Mii wi nyɛ Kolocɔlɔɔ, wee wi nyɛ lè Séew Myɛ Kàfɔlɔ. Ki n yɛlɛ mi kòro maa táanri mii yɛ́ʔɛ ma mí pye dìgire fun.

Pe a ní da mɔ yiri Abirami í, fwɔɔ pe a ra mɔ yiri Abirahami. Níì cán mii n mɔ kpéʔele mɔ í pye syɛɛnfele-nɛʔɛyɛ tóo.

Mii a mii joogaanni yaʔa li kòro mii ní mɔ níngi ni, si wɔ́ɔ ba kòro mii ní mɔ yodaʔayi nínge ni mɔ kadoʔo ma. Li a kòro mii ní be làrigèle myɛ syɛ̀ɛnnɛ nínge ni bàā syée yaà làla o làla. Kánmi bee na mii a pye mɔ Kolocɔlɔw, si wɔ́ɔ ba pye mɔ yodaʔayi Kolocɔlɔɔ mɔ kadoʔo ma.

«Wéle, mii n tɔ̀nɔ n mii joogaanni kpéʔele ní mɔ ní. Mɔ a tɔ̀nɔ́ ba pye syɛɛnfele-nɛʔɛyɛ tóo.

A Kolocɔlɔɔ jo: «Ɛɛn, mɔ céw Sara si a nànbile see mɔ ma, mɔ a ra wi yiri Izaaki. Mii a mii joogaanni yaʔa li kòro wi ma, ní wi yòdaʔayi ma wi kàdoʔo ma li pye bàngwɔɔ joogaanna.

Kanaan tári ni mɔ tɛ́ɛn lè dee n pye nibɔɔn, mii a ti myɛ kaan mɔ ní mɔ yodaʔayi ma, ti a pye mɔ yodaʔayi wóro làla o làla. Mii si pye be Kolocɔlɔw.»

A Abirahami too n yɛ́ɛgi cíbele tári na ní i gi tɛ́ʔɛ. Níì gi joo wiyɛɛ fúngi ni níì jo: «Nàɔn í yɛ̀ʔɛlɛ dabata taa lé si ní gbǎn pyà see? Ba Sara wi yɛ̀ʔɛlɛ togoye sicɛrɛ ní kpɔrigɔ taa lè, woro í gbǎn pyà see lé?»

A Kolocɔlɔɔ níì gi joo Abirahami ma níì wi pye: «Mɔ céw Sarayi si na, mɔ a ní da wi yiri Sarayi í, fwɔɔ wi mɛ́ɛgi a pye Sara.

Yele a ra kɛ́nɛw kpéʔele koro í pye joogaanni fɛ̀ɛ, li nyɛ mii ní yele níngi ni lè.

Gee si gi mii joogaanni kéele kwɔ́ɔ lè, Izaaki ní mii a li sogi, woro wee Sara a see mɔ ma lè yɛɛláa níbeena nyɔʔɔmɔ na.»

Nànbile o nànbile ga see yele níngi ni, ki n yɛlɛ li kɛ́nɛ canya kɔrɔtaanri wógi na. Anbée ki a ra kpéʔele yele yìrigèle myɛ syɛ̀ɛnnɛ ma, a wi see mɔ kpáagi ni yoo, a gi náà pye pulowaa wi lè wi o nyɛ mɔ yodaʔaga í, á mɔ wi syɔɔ táraa wóo ma wáli na yoo. Syɔ́ɔnwee be see mɔ kpáagi ni lè, ní púlowee mɔ syɔɔ wáli na lè, ki n yɛlɛ pe myɛ í kɛ́nɛw kpéʔele koro ga pye mii joogaanni fɛ̀ɛ í pye yele céri ni làla o làla.