Папулярныя біблейскія вершы з PARARUDAN 20

Падзяліцца

“Ulun ene Ida Sang Hyang Widi Wasa, Widin kitane, ane nuntun kita pesu uli di Mesir di tongos kitane dadi panjak. Edaja kita nyungsung sesembahan lenan sajabaning Ulun.

Edaja kita ngae arca ane mapinda saluiring ane ada di langite baduur, wiadin ane ada di gumine beten, wiadin ane ada di yehe di beten gumine. Edaja kita sumuyud nyumbah arcane ento, sawireh tuah Ulun maraga Sang Hyang Widi Wasa, Widin kitane. Ulun tusing lila yen kita nyumbah sesembahan lenan. Ulun nyisipang anake ane geting teken Ulun muah katurunane, kanti teked katurunan ane kaping telu muah ane kaping pat.

Tresna baktija kita teken bapa muah memen kitane, apanga dawa tuuh kitane, di gumine ane lakar paicayang Ulun teken kita.

Luihangja dina Sabate, tur suciangja dinane ento.

Eda pesan ngawag-awag nyambat parab Ulune, krana Ulun Sang Hyang Widi Wasa, Widin kitane lakar nyisipang sawatek anake ane nganistayang parab Ulune.

Nem dina makelone kita dadi ngarap gegaen kitane. Sakewala dinane ane kaping pitu ento dina parerenan buat mabakti teken Ulun. Di dinane ento eda kita magarapan, kita muah pianak-pianak kitane, muah panjak kitane, ubuh-ubuhan kitane, wiadin anak tetekan ane nongos di gumin kitane.

Edaja kita ngedotang umah anak lenan, edaja kita ngedotang kurenan anak len, panjakne muah sampinne wiadin keledaene muah saluiring ane dadi pagelahannyane.”

Edaja kita dadi saksi bobab marep teken anak len.

Edaja kita mamitra.

Edaja kita ngamatiang jlema.

Edaja kita mamaling.