Папулярныя біблейскія вершы з Vaefeso 6

Падзяліцца

Gusoko fëta itu sese ti fëta a saghami na nyama, ëgweeso uu fëta agikhuva na maburi a urughu në uvë wa muurëmi wa vinyonyinyonyi, gugikhuva na atemi, aküü nanë anya nguu nëvibalie mu urëmi ürüü wa kiti.

Gwa iküryo na marombi sa muuromba mu itungo gwa nguu ya Mwahu. Mutaree, mutakhatee sa müükürya gusoko a antu voong'e va Muungu.

Ryai mata oong'e, a Muungu, mudahe geambëa na ntendo në mbë yamwa Ibilisi.

Gusoko ësëë, ryai mata oong'e a Muungu, mudahe giambëa vija na mahome a murughu, na nëmwadaha uyatenda oong'e, imëki jënjërë.

Ukëra asaa oong'e, uhuvëi matiku oong'e utende mwino ngura mumëkhono anyu, ëmufe udaho wa gikita na mëvyë a moto a murughu uyoo. Kangë uhori utyoi mwino nkhüfia anyu a iyuma, na ukhani wa Muungu mwino mpaanga nëmuufewa na Mwahu Mweru.

Uvii, imëki jënjërë, tutë ëtendeke mukhova wa mu viëëno vyanyu, uduvi nëuja nëunoneye utenda isaa ragyambëëra mugëkuva, na nkümbü a utanantya Sayu Njija a majëghana ëtendeke mwino maatu mumëghuu anyu.

Mpeoayo, mufwaghëëre gimëka jënjëre fana Müküü na mu udaho wa nguu yakwe.

“Vakürye va ho vina nyokwe” (iraghëëyo ërëë unë iraghëëyo ra mwandyo nërina iraghano). “Uvii uhange mboto wikhee matiku mingë mu urëmi.”

Nyee ang'ënya, vategheeyi afafi vanyu fana Müküü, gusoko ërëë ija na tutë.