Папулярныя біблейскія вершы з Vaefeso 4

Падзяліцца

Kangë tendi anya gifa mantu nyenye gwa nyenye, anyagionëa uvavi, mugirekëa mahutye mwino Muungu mukhatë amwa Kiristo nëwamurekëe nyee mahutye.

Gwa ginyumpya ino na gwa utenda mwaafoo, gwa ughimëëyi, ighimëëyi nyenye gwa nyenye gwa uyanjo.

Ukhani gëkaku në uvë utadwëërë mu mëomo anyu, ëgweeso në uja nëumunoneye nëugufenja waarëëyi, udahe uvafa mboto nëvëutegheeya.

Uvavi woong'e na simbë në mbë ino na ukharë na mukindo na matuki ëheghe kunë nyee itambëëmwe na muu uvë hiyahiya.

Mutende mwina ukharë, ëgweeso mutatendee mahutye, yuva taja rëhaarëe në uvavi wanyu ëkëë winamudua. Mutamufee Ibilisi iyoma.

Murue sayu a mweenendo wanyu wa mwandyo untu wa khae, nëuguruvëkaa gwa uyihonga nkumbu ya ukhonga, na mutendwe mwë vafya mu nkhoo na masëgho anyu. Ryai untu në ufya, nëwaumbiwe gwa nyinkhori a Muungu nëugidwëëyaa mu uduvi wa tutë nëughookie nanë weru wa tutë.

Jindami gwa uwughondanëëya ukhuvëi wa Mwahu mu gëtungo ga majëghana.

Mweeso uu wasuu nëagavafa antu vifewa: vangëja agavafa vëtendeke atumami, vangëja agavafa anyagëdaghu, vangëja vëtendeke atanantii, vangëja adëmi na asëyi. Agatenda uvii adahe uvakhamya antu voong'e va Muungu gusoko a mwëmo, wamwa Kiristo uwujenga mwëërë wamwa Kiristo, na uvii soong'e guufikëe ukhuvëi wa uhuvëi na umumanya ino Mwana wa Muungu, gutendeke antu nëvëkhomie na ufikëa uning'anëëyi wakwe Kiristo mughonjo.

Uvii, gutiutendeka kangë mwino gwa ang'ënya, guujughutwa na ujunjwajunjwa ukoo nanë ukoo gwa mu mpefo a masëyo nëvëyakenkete antu në veegheeghee gwa uvayaghaya vangëja gwa lakuno. Gweeso gumëkwatëëre tutë mu uyanjo na üküra faka gumufikëe mweeso mukhatë a oong'e, mweeso unë mutongeeri, Kiristo.