Папулярныя біблейскія вершы з Números 14

Падзяліцца

à jina mʉsa cʉ̃hʉ Yawere tó puro ñaca waro yʉhdʉrʉcaena tjiga. Tuhsʉ, tí yahpa macaina cʉ̃hʉre cuiena tjiga. Tina sehe tinare yoadohoriro cjʉaerara. Mari sehe Yawere cjʉaja, marine yoadohoriro. Tiro mari mehne jira. à jina cuiro marieno tinare yʉhdʉrʉcajihna mari —ni yahumaha tina.

“Yʉhʉ Yawe dói waro suariro jieraja. Yʉ masare ã cahĩrucuja yʉhʉ. Tina yʉhʉre yʉhdʉrʉcaa, ti ñano yoaare bo mʉjaja yʉhʉ. Ã bo mʉjariro jipaihta, buhiri tirirore, ‘Ahriro buhiri marieriro jira. Buhiri dahresi tirore’ nieraja. Ñano yoaina warore buhiri dahreja yʉhʉ. Ã yoa ti pohnare, ã jichʉ ti panamana ji turiaina cʉ̃hʉre buhiri dahreja yʉhʉ” nihre mʉhʉ.

Tí yahpapʉre mari chʉsoa baro, mari sihnisoa baro cʉ̃hʉ ji yʉhdʉahre. Yawe marine ñʉ ji coariro jiro, tí yahpare machʉ yoarohca marine. Ã yoa tí yahpare marine warohca tiro. Marine ñʉ ji coaerariro jiro, tí yahpare machʉ yoasi tiro marine.

Calebe, yʉhʉre dahra cohtariro pinihta yʉhʉre yʉhdʉrʉcaro marieno ã wacũ tuarucuriro jira. Ã jiro tiro to duhti ñʉno sʉri yahpa cjiropʉ sãanohca. Ã yoa to panamana ji turiaina cʉ̃hʉ tí yahpare pʉ ti jiahca —ni yʉhtiha Yawe Moisere. Ã ni yʉhti tuhsʉ, õ sehe ni yahu namoha

à jina mʉsa sehe yʉhʉre õ sehe ni yahubasaga tinare: Yʉhʉ Yawe ã jirucuriro cua pisaro mehne õ sehe nija: “Ti ñano ni durucuchʉ, tʉhohi yʉhʉ. ‘Ahri dʉjʉro, wʉari dʉjʉroihta sã yaria pihtiachʉ noa yʉhdʉaboa sãre’ nihre tina yʉ tʉhochʉ. à jicʉ ti siniriro cjiro seheta wahachʉ yoaihtja tinare.

à yoa Moisere õ sehe niha Yawe: —Ahrina mʉ masa yʉhʉre wiho jiriro yoaro sehe ñʉna. Masa ti yoaeraare tinare yʉ yoa ño mʉjapachʉta, yʉhʉre ne wacũ tuaerara tina.

à wahaa, tina jipihtina Moisere, ã jichʉ Aarõre ñano ni tuhtiha. Õ sehe ni tuhtiha tina: —Egipto yahpapʉ sã yaria pihtia wahachʉ noaboa sãre. Tuhsʉ, ahri dʉjʉro, wʉari dʉjʉroihta sã yaria pihtiachʉ cʉ̃hʉre noa yʉhdʉaboa sãre.

à yoa ti ya yahpa cjihtore duhti ñʉa sʉrina mehne macaina, Nũ macʉno Josué, ã jichʉ Jefone macʉno Calebe tina pʉaro cʉ̃hʉ cahyaro mehne ti suhtire tʉhrẽha. Tʉhrẽ tuhsʉ, ti coyea israe masare õ sehe ni yahumaha tina: —Sã duhti ñʉna sʉri yahpa sehe mari ya yahpa cjihto sehe noaputiari yahpa jihre.

à bopaihta, “Noanohca. Jia nojaro. Tinare buhiri dahresi” nieraja. à jicʉ yʉhʉ ã jirucuriro, ahri yahpa jipihtiro macainare yʉ noaputiariro yʉ ji yʉhdʉrʉcʉ sʉa tiare masichʉ yoariro, tinare cua pisaro mehne õ sehe nija yʉhʉ: Ne cʉ̃iro yʉhʉre yʉhdʉrʉcariro cjiro tinare yʉ wabori yahpapʉre sãasi. Tina sehe yʉ tina mehne jichʉ, yʉ si siteare ñʉmahre. à yoa Egipto yahpapʉre, tuhsʉ, wʉari dʉjʉropʉ cʉ̃hʉre ti yoa bihoeraare yʉ yoa ñochʉ cʉ̃hʉre ñʉmahre tina. à ñʉpahta, yʉhʉre masieraina yoaro sehe yʉhdʉrʉca, diez tahari waro tuaro mehne ti cahmaare yʉhʉre sinihre. Ti ã yoari buhiri ti ñʉchʉsʉma cjiripʉre cua pisaro mehne, “Waihtja mʉsare” yʉ niri yahpapʉre ne sãasi tina.