Папулярныя біблейскія вершы з Éxodo 7

Падзяліцца

à yoa Moise to ã nichʉ tʉhoro, Yawe sehe õ sehe ni yʉhtiha tirore: —Noanohca, Moise. Cariputiro tʉhotui tjiga. Tó pano yʉ mʉhʉre niriro cjiro seheta yʉhʉ sehe mʉhʉre yʉ cohtotaro, cohamacʉ mʉ jiboro seheta jichʉ yoaihtja. à yoai, faraõre dutiriro mʉ jichʉ yoaihtja mʉhʉre. à yoa mʉ wahmi Aarõ cʉ̃hʉre cohamacʉ jicʉ, mʉ yahuare to yahu turiaboro seheta to yahuchʉ yoaihtja tiro cʉ̃hʉre. à yoai, tirore cua pisaro mehne faraõpʉre to yahu turia mʉjachʉ yoaihtja tiro cʉ̃hʉre.

Wiho mejeta mʉsa ã ni tirore sinipachʉta, yʉhʉ sehe faraõre tuaro mʉsare yʉhdʉrʉcariro jichʉ yoaihtja. Yʉ ã yoachʉ, tiro mʉsare ne yʉhti duasi. To ã yʉhti duaerachʉ ñʉcʉ, yʉhʉ sehe Egipto jipihtiri yahpare payʉ ñʉ cʉachʉ yoaa baro chori mehne ñano wahachʉ yoa, tinare buhiri dahre mʉjaihtja. Ã ñano wahachʉ yoa, tinare yʉ buhiri dahre mʉjachʉ ñʉparota, tiro sehe mʉsare ne wa wio duasi. Ã wa wio duaera, mʉsare to yʉhdʉrʉcachʉ, yʉhʉ sehe to masare ã jichʉ tiro cʉ̃hʉre yʉ buhiri dahre mʉhtari bui, tuaro waro tinare buhiri dahreihtja. Tinare yʉ ã tuaro buhiri dahrea mehne yʉ ya curua, israe masa curua sehere naroca wioihtja jʉna. Tí curuare cʉ̃ curua jiparota, doce curuari cahma, tju wa dapo, ji dijari curuare cãa curuari ti cahnorʉcʉ sʉri baharo, tinare Egipto yahpai jimarinare naroca wioihtja.

Tó sehe yoa, israe masare yʉ naroca wiori baharo, tuhsʉ, egipto masare yʉ ã tuaro buhiri dahreri baharo, tina egipto masa yʉ jia tiare masiahca jʉna. Ã masia, cʉa yʉhdʉa waha, “Yawe potocãta tua yʉhdʉrʉcʉ sʉriro warota jiri jira” ni, masiahca yʉhʉre —ni yahuha Yawe Moisere.

Ti ã yoachʉ ñʉno, faraõ cʉ̃hʉ tí yahpa macaina yayare ã jichʉ paina noano masiinare pji dutirocaha. To pji dutirocaina wihi, tina cʉ̃hʉ ti mʉ sʉro ti masia mehne ti yoa ñoriro seheta yoa ñomaha. Tina cʉ̃hʉ ti tjuaa yucʉre yahpapʉ doca cũha. Ti doca cũchʉta, tina cʉ̃hʉre tí yucʉ agãa dojo mʉa wahaha. Wiho mejeta Aarõ tjuadʉ agã dojoriro sehe yaya ti tjuaa yucʉ agãa dojoinare chʉ pahñonocaha.

à jicʉ õ sehe ni yʉhʉre yahubasa namoga tirore: “Ahri pjai yʉhʉre pari turi to yʉhtierachʉ, yʉhʉ sehe tirore buhiri dahreihtja jʉna. Yʉ ã buhiri dahrei tachʉ, Aarõ sehe to tjuadʉ mehne tí mai cjãrocaporohca. To ã cjãrocapochʉta, tí ma sehe yʉ basi yʉ cjãrocapoboro seheta, di ma dihta waha mʉa waharohca. à wahachʉ, tí ma macaina wahi cʉ̃hʉ jipihtina yaria pihtia wahaahca. à yariaa, ñano ti ʉ̃richʉ, egipto masa tí core yabia, ne sihni namosi. Yʉ ã yoa, buhiri dahrechʉ ñʉnopʉ, tiro sehe Yawe yʉ jia tiare masinohca jʉna” ni, yʉhʉre yahubasai wahaga tirore —niha Yawe Moisere.

—Mʉsare bʉjʉpe duaro, tiro Egipto macariro pʉhtoro yoa ño dutirohca. To yoa ño dutichʉ, mʉhʉ sehe mʉ wahmi Aarõre to tjuadʉre faraõ to ñʉrocaroi yahpapʉ doca cũ dutiga. To doca cũchʉta, tʉ sehe agã dojo mʉa waharohca —niha. To ã niri baharo, tina pʉaro faraõ cahapʉ wahaa wahaha. To cahapʉ sʉ, Yawe to yoa ño dutiriro seheta yoa ñoha. To tjuadʉre pʉhtoro ã jichʉ to doca macaina pʉhtoa ti dujiro potoi doca cũha Aarõ. Tʉ sehe to doca cũchʉta, agã dojo mʉa wahaha.