Папулярныя біблейскія вершы з Éxodo 32

Падзяліцца

à yoa tina israe masa Moise tʉ̃cʉ sohtoapʉ to yoari pja butichʉ ñʉa, Aarõ caha sehe soroarʉcʉ sʉ pihtia wahaha. à yoa tina Aarõ sehere õ sehe niha: —Tiro jimahre marine Egiptopʉ jiinare na tariro. Tiro Moisere dohse waharo wahaga. Ãta butinocana tiro. à jicʉ mʉhʉ sehe cohamana yoaga, marine waja mʉhtahtina cjihtire —niha.

Ti ã yoachʉ ñʉno, tiro Yawe sehe Moisere, tʉ̃cʉ sohtoapʉ jirirore õ sehe niha: —Dijaaga. Mʉ masa Egiptopʉ mʉ na taina yʉhʉ mehne dojori tia wahara. Tina dói waro yʉ dutiare yʉhdʉrʉcara. Ã jia uru mehne wachʉ wihãriro masʉ, ti dahrerirore ño payoa nina jʉna. Ovejaare wajã, tãa tuhu buipʉ jʉ̃ waa, ño payoa nina ti cohamacʉre. Ã yoaa seheta, õ sehe nia nina, “Ahriro jira mari cohamacʉ, marine Egiptopʉ jiinare na wioriro” nia nina mʉ masa.

Ti ã nichʉ tʉhoro, tiro Aarõ sehe wachʉ wihãriro masʉ panocãi, tãa mehne pari tuhu ovejaare, ti jʉ̃ wa mʉohti tuhu cjihto dahre mʉoha. Tí tuhure tuhsʉro, tiro tuaro sañuno mehne õ sehe ni yahurocaha to masare: —¡Ñamichaca bose nʉmʉ yoajihna Yawe warore ño payona! —niha. Ã yoa pa nʉmʉ bohrearocã tina wahcãa, wachʉ wihãriro masʉre ño payoha. Pʉa taha macaa tí masʉre ño payoa mehne waha. Aarõ to dahre mʉori tuhu buipʉ, wahma ti ovejaa wajãinare, ti cohamacʉre jʉ̃ wa pahño, ño payoha. Baharo, paina ovejaa ti wajãinare, tinare cãa dihi yihso na, tãa tuhu buipʉta jʉ̃, ño payoha tirore. Dʉhsaa dihi sehere pʉhõ, ti basi chʉnocaha. Tó sehe yoaa, “Mari cohamacʉ ñʉrocaroi noano jia tijihna mari basi” ni, tí tʉhotua mehne ã yoaa niha. Baharo tíre chʉ, ti sihnia ti yoaa cʉ̃hʉre sihni, caha wahaha. Ã cahaa, mʉa, numia mehne ñano yoaha.

à yoa pa dachoi jipihtina israe masare pji cahmachu, tinare õ sehe ni yahuha Moise: —Mʉsa basita Yawere ñano waro yʉhdʉrʉcari jihre mʉsa. à jiro cuaro waro wahaca mʉsare. à jicʉ yʉhʉ sehe, mʉsa ã yʉhdʉrʉcarina jipachʉta, pari turi tʉ̃cʉpʉ mʉjaa, tíre mʉsare durucubasai wahaihtja. Tiro mehne yʉ durucuchʉ, pa tehe nino tiro mʉsare to ñano buhiri dahreborire boboca —ni yahuha.