Папулярныя біблейскія вершы з Éxodo 11

Падзяліцца

Moise faraõre to ã ni yʉhtiri baharocãta, Yawe sehe Moisere õ sehe ni yahuha: —Pari turi buhiri dahre batoai tai nija faraõre ã yoa to masa egipto masare. Yʉ ã buhiri dahreri baharo, faraõ mʉsare noano mehne “Wijaa duana, wijaa masina mʉsa” nisi. Tiro tuaro mehne cohã wiorohca mʉsare.

To wahachʉ, wʉhʉseripe macaina masa bajua mʉhtaina mʉa dihta, yariahti jiyuhti. Mʉ macʉ, masa wahmino, mʉhʉre pʉhtoro ji cohtotaboriro cʉ̃hʉ yariahto jiyuhti. Tuhsʉ, paina pʉhtoa pohna, ti pohna ti mʉhtaina cʉ̃hʉ yariahti jiyuhti. Te wiho jiina pohna cʉ̃hʉ ne cʉ̃iro dʉhsaro marieno yariahti jiyuhti. Wahiquina mʉsa nuina ti pohna ti mʉhtaina cʉ̃hʉ, mʉa dihta yariahti jiyuhti. Ã jia mʉ masa ahri yahpa jipihtiropʉ ñano cahyaro mehne tiihti jiyuhti. Ne tó panopʉre tó puro wʉrʉ tiieraina cjiri, ã tiia nihto jiyuhti. Baharopʉre ne pari turi tó puro wʉrʉ tii namoerahti jiyuhti tina.

à to wijaari baharo, Yawe sehe Moisere õ sehe ni namoha: —Yʉ mʉhʉre niriro seheta faraõ ne tʉho duasi mʉsa niare. à jicʉ buhiri dahrei tai nija tjoa. Tí yʉ buhiri dahrea mehne tuariro yʉ ji yʉhdʉrʉcʉ sʉa tiare ñoihtja Egipto yahpa macainare —niha jʉna.