Папулярныя біблейскія вершы з Bafilipi 2

Падзяліцца

Mutaciti cintu niciba comwe cakulikankaizya nikuba kulisumpula, pele amulibombye, muntu amuntu ayeeye kuti beenzinyina balamwiinda. Tamweelede kuyeeya zimugwasya nobeni buyo pe, pele umwi aumwi uleelede kugwasya mweenzinyina.

Amube aamoyo uuli mbuli yooyo wakajisi Kilisito Jesu.

Walo wakali aabube bwa Leza, pele taakayeeya kuti alikakatizye kuba mbuli Leza. Pele wakalibombya kwiindilila naakabweza ciimo camuzike akuba muntu mbuli bantu boonse. Eelyo naakaba muntu boobo, wakalibombya akuswiilila kusikila kulufu, iiyi, lufu lwaciingano.

Nkaambo ngu Leza uubeleka mulindinywe kuti muyande akucita eezyo zimubotela.

Nkankakaako Leza ncaakamusumpula kwiindilila akumupa zina bbotu kwiinda mazina oonse. Wakacita oobo kuti boonse bakujulu, aansi akunsi anyika, bafugamine akulemeka zina lya Kilisito. Nkabela boonse bayooamba kuti Jesu Kilisito Mwami mukulemeka Leza Taata.

Amucite zintu zyoonze cakutatongooka nikuba kukazyanya, kutegwa mubule kampenda, mulondoke mbuli bana ba Leza batakwe kapa akati kabantu bapilingene balubizya beenzinyina. Akati kabantu bali boobo mulamweka mbuli mimuni iili mujulu

Lino nobayandwa bangu, mbubonya mbuli mbumwakali kuswiilila nindakali aandinywe, lino amuswiilisisye ciindi nentali aandinywe. Aboobo amwiindilizye kubeleka cakuyoowa akuzyangama kweendelana alufutuko lwanu.