Папулярныя біблейскія вершы з Mateyo 7

Падзяліцца

“Amukumbile, mulapegwa, amuyandaule mulajana, amukonkomone mulajulilwa.

Nkaambo kufumbwa ooyo uukumbila ulatambula, awalo uuyandaula ulajana, ayooyo uukonkomona ulajulilwa.

“Nkaambo kaako kufumbwa muntu uuswiilila majwi aangu aaya akwaatobela uli mbuli muntu uucenjede wakayaka ŋanda yakwe atala aamwaala.

“Lino zintu zyoonse zili buti nzimuyanda kuti bantu bamucitile amubacitile mbubonya anywebo. Nkaambo oobu mbwaiisya Mozesi mumulawo alimwi abalo basinsimi mbobaiisya.

Pele nzila iizwa kumulyango uusyanikide, iitola kubuumi butamani ninjumu. Nkaambo kaako biitobela mbace.

“Amunjile mumulyango uusyanikide nkaambo mulyango uukwazeme anzila mpati njiitola kukunyonyooka, nkaambo kaako aabo banjila mulinguwo mbanji.

Kuti naa nywebo, nobasizibi kamuzi kupa zintu zibotu kubana banu, ino walo Uso uuli kujulu inga wakacilwa buti kupa zintu kuli baabo bamukumbila?

“Mutabeteki kuti anywebo mutabetekwi. Nkaambo oobo mbomubeteka bamwi awalo Leza mbwayoomubeteka, milawo njomubelesya kuli bamwi njayoobelesya akulindinywe.

“Pele kufumbwa uumvwa majwi aangu aaya akutaatobela, uli mbuli muntu mufuba-fuba wakayaka ŋanda yakwe amusenga.

Ino mbuti mbobona kakwa kali muliso lyamunyoko, waleka tanda lili muliso lyako? Naa ino ulakonzya buti kwaambila munyoko kuti, ‘Atubone nkufule kakwa kali muliso lyako!’ Kakuli muli tanda muliso lyako omwini?

“Amucenjele abasinsimi babeji. Aabo baboola kulindinywe kababombede mbuli mbelele anukuti mukati mbaaumpe babutambo. Muyoobaziba mumicelo yamilimo yabo. Sena nsaansa zilacelwa kuzwa kumuunga naa nkuyu kuzwa kumutubetube?

Musamu mubotu tuukonzyi kuzyala micelo mibi, awalo musamu mubi uzyala micelo mibi.

Musamu mubotu tuukonzyi kuzyala micelo mibi, awalo musamu mubi tuukonzyi kuzyala micelo mibotu.

Musamu uuli woonse uutabi aamicelo mibotu ulatemwa akuwaalwa mumulilo.