Папулярныя біблейскія вершы з Bagalatiya 5

Падзяліцца

Pele micelo ya Muuya Uusalala njeeyi, kuyandana, kutangala, luumuno, busicamba, luzyalo, bubotu, kusyomeka, kulibombya akulilesya. Taakwe mulawo uulesya zintu eezi pe.

Ndamwaambila kuti muleke Muuya Uusalala umusolwede ndendilyo nimutakwe kutobela zisusi zyabuntunsi.

Kuti naa Muuya Uusalala wakatupa buumi, nguwenya uube nguutusolweda munzila zyesu zyoonse.

Lino aabo bakwe Kilisito Jesu, bakakankamina aciingano zisusi zyabo antoomwe azyoonse nzyoziyanda.

Lino milimo yabuntunsi njeeyi, bwaamu, busofwaazi, kutalilesya, kukomba baleza bapange, bulozi, kutamvwana, kukazyanya, munyono, kunyema, kuliyanda, kupampana, kwaandaanya, bbivwe, bukolwi, budakwa azimwi zili boobo. Ndamucenjezya mbubonya mbuli mbundakamucenjezezye kale, kuti aabo bacita zili boobo tabakanjili mubwami bwa Leza pe.

Nywebo nobakwesu, Leza wakamwiita kuti mwaangunuke. Aboobo amucenjele kuti mutabelesyi lwaangunuko oolu mukutobela zisusi zyanu. Pele amubelekelane muluyando.

Nkaambo zisusi ziyanda kukazya eezyo ziyanda Muuya, eelyo ziyanda Muuya zikazya eezyo ziyanda zisusi zyanu. Zintu eezi zilalwana cakuti tamukonzyi kucita zibotu nzyomuyanda kucita.

Nkaambo Milawo yoonse ili mumulawo ooyu uuti, “Yanda mweenzinyoko mbubonya mbuli mboliyanda omwini.”

Tutali kulisumpuli, nikuba kukalazyanya, tuleke kuba aabbivwe kuli umwi aumwi.

Kilisito wakatwaangununa kuti twaangunuke ncobeni. Aboobo amwiime, mutanjili alimwi mujoko lyabuzike.