Папулярныя біблейскія вершы з Baefeso 5

Падзяліцца

Lino amube basikwiiya Leza, mbuli mbomuli bana bayandwa. Alimwi mweende muluyando, mbubonya mbuli Kilisito mbwaakatuyanda. Wakalyaaba lwakwe mwini nkaambo kandiswe, wakaba cituuzyo acipaizyo cabweema bubotu kuli Leza.

Amucenjele kapati abweende bwanu. Muteendi mbuli bafuba-fuba pe, pele amweende mbuli basongo. Amube basungu kutegwa ciindi canu mutacisowi buyo, nkaambo mazuba aasunu mabi.

Mutakolwi, eeci cileta budakwa, pele amusolelwe a Muuya Uusalala. Amwaambilane amajwi aantembauzyo, anyimbo zyakulumba azimwi zyakulumbaizya Leza kamwiimbila Mwami cakubotelwa amoyo woonse. Mulumbe Leza Taata lyoonse akaambo kazyoonse muzina lya Mwami wesu Jesu Kilisito.

Nkaambo kaako mutafubaali, pele amuzibe Leza nzyayanda kuti mucite.

Nobalumi, amuyande bakaintu banu, mbubonya mbuli Kilisito mbwaakayanda mbungano akulyaaba akaambo kayo

Ciindi cakale mwakali mumudima, pele mazuba aano muli mumumuni wa Mwami. Aboobo amweende mbuli bantu bali mumumuni.

Nkaambo mulemeka Kilisito, amulibombye kuli umwi aumwi.

Nobakaintu, amulibombye kubalumi banu, mbubonya mbuli ku Mwami.

Aboobo, mwaalumi umwi aumwi uleelede kuyanda mukaintu wakwe mbubonya mbwaliyanda mwini, alimwi mukaintu uleelede kulemeka mulumaakwe.

Mbubwaamba Malembe kuti, “Nkaambo kaako mwaalumi uyoosiya wisi abanyina akukakatila kumukaintu wakwe, eelyo aaba bobilo baba mubili omwe.”

Mutasangani abacita milimo yabuyo yamudima, pele nywebo mweelede kubakazya.