Папулярныя біблейскія вершы з Bakolose 3

Падзяліцца

Amweengelelane akulekelelana. Kuti naa umwi kajisi kaambo kumweenzinyina uleelede kumulekelela mbubonya mbuli Mwami mbwaakamulekelela walo.

Amuyandaule zyakujulu, kutali zyaansi aano pe.

Kufumbwa cintu ncomucita, amubeleke amoyo woonse uumaninide mbuli kuti mubelekela Mwami lwakwe, kutali bantu buyo.

Lino ndinywe bantu mbaakasala kuti mube basalala abayandwa bakwe. Nkankakaako ncomweelede kuba aankumbu, luzalo, lubomba, batete moyo, alweengelelo.

Majwi aa Kilisito aaendelezye myoyo yanu lyoonse nomwiisyanya akucenjezyanya cabusongo boonse. Amwiimbe antembauzyo, nyimbo, nyimbo zimwi zyamuuya, amwiimbile Leza amyoyo yakulumba. Nkabela kufumbwa nzyomucita, nikuba kwaamba, amuzicite zyoonse muzina lya Mwami Jesu, akulumba Leza Taata kwiindila mulinguwe.

Nkabela kwiinda eezi zyoonse, amube aaluyando, luli ncecaanzyo cazintu zyoonse mubulondosi.

Naa mwakabusigwa a Kilisito, amubikke myoyo yanu kuzintu zyakujulu, ooko Kilisito nkwabede, ulikkede kubbazu lyalulyo lwa Leza.

Alimwi luumuno lupa Kilisito alweendelezye myoyo yanu. Leza wakamwiita kuti mube aaluumuno oolu nkaambo muli zizo zyamubili omwe. Amube amyoyo yakulumba.

Amujaye zyoonse zyabuntunsi zili mulindinywe, mbuli bwaamu, busofwaazi, zisusi, kunyomenena, abusyacivulemwangu. Kuyandisisya eezi kulikozyenye akukomba baleza bapange.

Nkaambo nywebo mwakafwa, aboobo buumi bwanu bulibambidwe a Kilisito kuli Leza.

Pele lino amuzileke zili mbuli zeezi zyoonse, kunyema, bukali, kukweekana, kubejelezyanya, amatusi.

Mutanoocengani, nkaambo mwakasiya buumi bwanu bwabuntunsi amicito yabo, nkabela mwanjila mubuumi bupya. Buumi oobu Mulengi wanu ulabubambulula buzuba abuzuba kuti mumuzibe mbuli mbwabede.

Nobalumi anywebo, amuyande bakaintu banu, mutabi aalunya.

Nobana, amuswiilile bazyali banu muzintu zyoonse, nkaambo eeci ncecikondelezya Mwami.

Nobakaintu, amulibombye kubalumi banu mbubonya mbomweelede mu Mwami.