Папулярныя біблейскія вершы з NITRITI 28

Падзяліцца

Amiap e, midingat rin bit na kikau bidem ambutti nya hagom ba, dinyohou na. Lene mporo midibuwak na hanyen kwei ei atimieisi dini. Midimbres Da leu na bi sren. Midibindei ba, mun di dipreu kep na tut nya hagom mipek kep mem na.”

Leu api TUHAN ningat rin simiak noni bipai “Dani ne TUHAN ba, Abraham kin Ishak ide Allah pima ri. Mporo midipek minu di abong eisi dini hagom binani kin ade nintun him yamti di bram yam nya.

Lene Yakub da niyai bikiju lene pai “TUHAN ningat rin ei gumihyep dini! Noro sindi dikan tut!”

Lene noni heng bipai “Gino na di TUHAN anyohou da ba, aya ser da kak dimbutti dini ba, ayai njita kin sinsun hi bida, kikau bidiba dingwes ngun bingkwei hanyen kwei ei dicig de ig bei nsi lene midikuk da biNa di TUHAN Nangkom. Lene midikwas gom leu ningot gom lene gom leu ningot gom bikwop mun nyeng hagom di dinyeng tut nya leu Na di TUHAN hanyen biNa. Tig nibiyok ngon kep dini minok gumihyep mem tungwatu nya ibikuk yok bak TUHAN eisi.”

Yo di intun nani him midigek kep mpia ba, imangti ningot ndig noyam kin dihyei ndung nimangti. Lene mporo yoni mikieng kep mpia ug ei nite bei mpia nicutti kin nite bei mpia nipriti kin nite bei mpia nijjai kin nite bei mpia nibiho. Ba, mben dihyeisi dini hagom mporo mitug ndei mun di kei tug hon nani kin ade nintun him yamti di bram yam nya cem.

Lene noni jem gumihyep dima ninyeng Betel. (Ninyeng timiei rino Lus.)