Папулярныя біблейскія вершы з NEHEI LEUSI 7

Падзяліцца

Lene TUHAN pai bak Musa “Amiap e, midibindei ba, akindig Harun minok no di binut ahyet ba, noni mitri tut ahyet bak Firaun tereu nok nabi di binut dihyet bak tungwatu nya.

Noro midibindei ba, Firaun ningkek ndok ahyet. Mbro nok gino dikes mindur di buhun bibor ei mben Mesir dip lo, noni mimiap ahyet bibit kan bi. Mpe dima lene midikes hukum di buhun bibor ei yok dip leu api midibuwak Ditde limwa di mben Israel yahagom ba, yehei bingwes ngun leu minu Mesir.

Tirigi dikes hukum ei mben Mesir dip lene dibuwak mben Israel bingwes ngun leu minu dima lene mijo nibreisi mem mben Mesir bipia Dani ne TUHAN ri.”

Lene Firaun hig nide limwa di ingon ki nya kin gi hi di nung kui yok kwei leu api yoni cem ibon mindur di noyam kin Harun de tug hon ide nung nya. Yoni cem icom ide tom nya ei dihyeisi leu api ide tom nya nok wou nya. Noro Harun de tom pinde ide tom hagom bingwig ug.

Gima rino disok kep noni bipia mbigom mijo nibreisi mem noni bipia Dani ne TUHAN rin tug hon mindur nya di midibon ug ri. Mpe dima lene ma attei ade tom ba, abui Minyei Nil ningwa dip apino minyei minok nggrom.

“Gino Firaun cuk je bipia suar jibon mindur nok bindo lene acuk Harun bipia yai nide tom bicom ei dihyeisi bou Firaun niyai him lene tom dima minok wou.” Lene Musa kin Harun yuug ya ei Firaun noho bei bigyai hagom bit leu nok Allah nicuk yoti. Harun com nide tom ei dihyeisi mu ei Firaun kin yo di igya kui noni yoho bei lene tom dima nok wou.