Папулярныя біблейскія вершы з NEHEI LEUSI 20

Падзяліцца

“Dani ne TUHAN bidinok jide Allah rin ba, dibuwak je kwei leu minu Mesir minu po jiyai kep midyai nok awak eisi pima. Harin dima jikuk je bak nung nya a. Noro ma jikuk je biDangkom.

Harin dima jibibon kwar di jikuk je bak bou jinda him di noyam kin mun nyeng hi ei mpia-bbed him kin dihyeisi kin gi jo ei minyeiti ei dihyei joua. Harin dima jikuk je bak kwar nya a. Lewo Dani ne TUHAN ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

Ma jibou cut bak jicig bat-jipmem bat nya bijibit ighyet. Leu binhyepo mijibong kei mijigwam kei mem nijam di jei ei minu di dindo ei mem je tu.

Suar jahati tut jide Njap Nigwam Kep Ninghuisi bikwes-kwau kei mem Da.

Harin dima jindat kep dinyeng ugwai-gwai a. Lewo Dani ne jide TUHAN Allah rin ba, midikes hukum ei no di ba dinyeng bikek dip.

Lewo diyai njap nitindur muhwindagom bije mem gima jiyai kep jide midyai nya eisi. Noro njap gi nimuhwindacan ne njap di jigwam kep jinghuisi. Ma jibet njap dima ei mem Da. Harin dima jiyai kep jide midyai nya mem njap gi nimuhwindacan a. Bitut jeni kin jimunggwom bat nya cem jide awak nya cem jide mindhe-ndhe nya cem ngkiai nya di ibong srig jikieti cem jahagom.

Harin dima jingon pri kep mun di hiter nyeng tut a. Nok nide ig di bongti kin nitnem kin nide awak nya kin nide mindhe-ndhe nya kin nide keledai di noni nyeng tut nya.”

Harin dima jiris mun ei yo di hiter nya dip a.

Harin dima jicut tut hi nitnem hi nijjep a.

Harin dima jihwen mun a.

Harin dima jinggimang mun a.