Папулярныя біблейскія вершы з BiRomaŋ beŋ 8

Ka bɛy yo bɛy banɛnɔy ba mina pɛnki, Masaala kɔŋ ni ba wuyɔhɔy kɛndɛ fuŋa, ba miŋ fooma mindo thimo miŋ beŋ, mindo thanki Masaala thiya beŋ ba haliko ndɛ be thiŋiŋ madɛɛnki nama maŋ.

Ba yaŋ niyeŋ lanɛya ba dɔma na ntha yo ntha ka ki mina punku hakinande iŋ mathimo ma thimo mina Kraist maŋ: wu niyɔiŋ nthɔŋ hutuka maa sii; wu niyɔiŋ nthɔŋ malekɛŋ maa bakɛrɛni maa sɛmbɛŋ bahɛna ba ka kuthahinɛ koŋ; wu niyɔiŋ nthɔŋ bɛyiniŋ ba ka tete maa bɛyiniŋ ba see; wu niyɔiŋ nthɔŋ dunia ba ka thinthi maa dunia ba ka pothi. Ntha o ntha ka ka munki mu yehinuwo mu mina punku hakinande iŋ mathimo ma ka Masaala maŋ, ba saathɛ ba Yisɔs Kraist Mariki ntuŋ woŋ.

Nɛna hɛlɛŋ Yina wo ka Masaala woŋ see ba mina mase, miŋ mindo kɔɔyuwɛ beŋ beŋ nɔŋ na miŋ na. Miŋ kɔita nɔŋ na miŋ ba niye kuraminɛ, huna Yina wo ka Masaala woŋ kɔŋ bokoti Masaala na ba miŋ iŋ madaŋitɔkɔ ma sa punku kutiyo huyimba.

Mateete ma ka bɛyiniŋ baŋ baŋ fooma, mbɛ hu nda miŋ tɛpi? Mɛnɛ Masaala kɔɔyɛ ba miŋ, nkaana mina punku?

Huna bi bɔhande nda iŋ Kraist Yisɔs beŋ sa nda thonkino.

Ba pɛyɛna masiyi makɛnda maŋ ba keriŋiyo iŋ huwɔmɛtiya haŋ, hu kɔŋ sisi hutuka; na yi pɛyɛŋ nɛnɛ masiyi makɛnda maŋ ba keriŋiyo iŋ Yina wo ka Masaala woŋ, wu kɔŋ sisi siiiŋ mathɛbɛ.

Kɛrɛ, mateete ma ka bɛyiniŋ baŋ baŋ fooma miŋ kiŋ iŋ punka hukunthɛ saathɛ ba ka Kraist wo thimo mina woŋ.

Yaŋ simɔkɔy ba dɔma na nambarɛŋ ba miŋ niyɔ dondo baŋ sa thubutando iŋ yiki babɔyɛ-bɔyɛ ba bohe nɔŋ Masaala ba mina dunkune baŋ.

Nkaana mina hakinande iŋ mathimo ma ka Kraist maŋ ba miŋ? E nambara, maa makahɛ, maa ba niyo thɔrɔ iŋ hadeni ntuŋ beŋ, maa kɔnthɔ, maa humɔnɛ, maa ba niyɔ ka masibo ka teete, maa hutuka ahakinande mina iŋ mathimo ma iŋ Kraist maŋ ba miŋ? Ade, muŋ sa mina hakinande.

Awa Masaala, wo kutu woŋ kaake ka thathukuma tha ka biyamɛti woŋ, kɔthɛŋ masimɔkɔ ma ka Yina nama woŋ maŋ, baa Yina nama woŋ kɔŋ mina niŋ thetiyeke, mindo biya nama beŋ, maŋaye ka mamɛyi ma ka ndɛ Masaala maŋ.

Bindɛ bi katitoko iŋ Yina wo ka Masaala woŋ beŋ, bindɛ bina mpati bi ka Masaala beŋ.

Bindɛ fooma bi katitoko beŋ iŋ ba bindɛ tepo iŋ huwɔmɛtiya haŋ baŋ, mathimo ma ka huwɔmɛtiya haŋ mɛna kɛriŋiyɛ masiyi namɛŋ maŋ. Bi nɛnɛ kaande beŋ nɔŋ na bindɛ tepo iŋ Yina wo ka Masaala woŋ beŋ, masiyi namɛŋ maŋ mɛ kɔŋ kɛriŋiya iŋ mathimo ma ka Yina wo ka Masaala woŋ maŋ.

Wundɛ wo tha kahiteke hati nama woŋ, kɛrɛ e ndɛ niŋ dunkuna saraka ba miŋ—E ndɛ sa mina dunkuŋ ntha yo ntha?

Yina wo ka Masaala woŋ thɔɔtɔy yinɛŋ bikɛntuŋ beŋ ka niya maseri ba dɔma na miŋ kiŋ nda mpati bi ka Masaala. Na niyɔy nda nɛnɛ miŋ mpati bikɛnama, miŋ kɔŋ nɛnɛ kutu thaduba tha kɔsɔŋ wundɛ ba biya bikɛnama beŋ, awa miŋ iŋ Kraist ka tha banthe miŋ kɔŋ kutu mu kɔsinɔkɔy Masaala ba ndɛ Kraist muŋ; baa mɛnɛ miŋ sekithe kufɛŋ ka nambarɛŋ ba ka Kraist baŋ, miŋ kɔŋ hɛlɛŋ nɛnɛ sɛkɛthi kufɛŋ ka yiki nama baŋ.

Bɛna wɔmɛti kɔŋ sikiyɔkɔ hadeŋ wo ka Masaala baa masiyi nama maŋ keriŋiyo iŋ mathimo ma ka huwɔmɛtiya haŋ maŋ. Ba wundɛ tha putiyɔ Siraŋ ba ka Masaala baŋ; nɔndi yaathi, wundɛ sa bɛŋ punku putiyɔ.

Dunia ba yeheni Masaala baŋ fooma ba kiŋ ka yumba iŋ kufiyo kumandiŋ ba malɔkɔ ma bohe Masaala ba tɔŋina mina mindo mpati nama beŋ ka dunia baŋ.

Baa miŋ kɔthɛŋ ba dɔma na haaŋ hɛ dunia babunthu fooma hiŋ ba daŋitɔkɔ iŋ wuthoonɛ nɔŋ wuthoonɛ wu ka wɔ yɛrɛmɛ wo dɔŋɔy ka kugbomgboki ku ka mpaa.