Папулярныя біблейскія вершы з IBUKU RĨA DANIELI 9

Падзяліцца

Ngĩgĩkaĩra Jehova Ngai wakwa ngĩmuumbũragĩra mehia maitũ, ngiuga ũũ: Ĩ Mwathani, wee Ngai ũrĩa mũnene na mwĩtigĩre mũno, o wee ũhingagia kĩrĩkanĩro gĩaku na ũgatuga arĩa mũtĩaine nao, o arĩa maiguaga maathani maku

Ningĩ Ngai wakwa, ndagũthaitha ũtege gũtũ gwaku, ũ’thikĩrĩrie; na ũracũrie maitho maku, wĩrorere ũrĩa gwitũ gũkirĩte ihooru, o na itũũra rĩu rĩĩtanĩtio na rĩĩtwa rĩaku. Tondũ tũtingĩeta gũkũrehere mathaithana macio nĩ ũndũ wa ũrĩa maũndũ maitũ ithuene maagĩrĩire; no twakũhoya ũguo nĩ ũndũ wa ũrĩa tha ciaku ciingĩhĩte. Wee Mwathani, tũthikĩrĩrie! Wee Mwathani, tuohere! Wee Mwathani, tũtegere matũ maku ũtũtangĩre! Ndũkagonderere, wee Ngai wakwa. Ndagũthaitha ũguo nĩ ũndũ wa rĩĩtwa rĩaku wee mwene, tondũ itũũra rĩu rĩaku rĩĩtanĩtio na rĩĩtwa rĩaku, o na andũ aku magetanio narĩo.

Na niĩ ngĩcoka ngĩĩhũgũra na kũrĩ Mwathani Ngai, ngĩmũhoya ndĩĩhingĩte kũrĩa irio na ngehumba tama wa ikũnia, na ngebuyaga mũhu mũtwe, o ngĩmũthaithaga.

Tha na kwoherũo ciumaga kwĩ Mwathani Ngai witũ, o na harĩa ithuĩ tũmũremete

Ningĩ arĩkanĩre kĩrĩkanĩro kĩrũmu na andũ aingĩ ihinda rĩa kiumia kĩmwe; nakĩo kiumia kĩu kĩaigananĩria-rĩ, atũme magongona matige kũrutwo, o namo mahaki ma njino. Nake ũrĩa wa gũkiria ihooru nĩagoka arehete maũndũ ma magigi, ta arĩ mo mathagu ombũkĩte namo; ningĩ o nginya ithirĩro rĩgakinya, o rĩrĩa rĩtuĩtwo-rĩ, ũrĩa wa gũkiria ihooru no atũũre aitagĩrĩrio matũkũya.