Папулярныя біблейскія вершы з OROMA 8

Падзяліцца

Nit Ala iniki mbake ndak-ndak eeko logowak nduk, ninayonggo pinaneegerak nogo, at ninom niniki kunik niinok, yi mendek ndi mendek eekwi inom, eeppinanugwi inom, ti abok at Ala nen nit obeelom eeriyak ambi kaawak nduk, eeppinanege menggerak.

Nit ninowe endagembogut Keritut Yetut mondok ninom kunik wonogwe niinok, Ala ninabuwa mbake menggerak me, nineenik wonogwe inom, kanggwi inom, it melaikat mbogut paga yonggo nugu menggaarak inom, yi kugi ndi kugi inomaawi warak menggaarak inom, yogondak wonage inom, peebi eerigin inom, mbogut paga mendek inom, nggween paga yime mendek inom, yi mendek ndi mendek ogobakkigirik abok nen Ala ninom ogoorogo pinanigin mondok lek o, yinuk, abet aret yokkirage agarik o.

Togop me, nit lebenak wonogwe niinok, Aberiniki wage nagaatik, yeenggwaanirage menggerak me, ”Nit nonggop negen tamban eeruwi?” mbakwi niigak kwe, at Aberiniki perak, ninabuwa nen iniki puru ari logonet, nit ninoone yogolik mendek paga ninake Ala yoge menggerak.

Ti kenok, wone abok yokkiragarak ti paga, nonggop yuwok mbakop? Ala ninom kunik wonogwe me, ta nen maluk ee'ninabigin mbakop?

Togop kenok, nit Keritut Yetut ninom kunik monggoorak me, ”Kit maluk o,” yinuk, yo'nirage mondok lek o.

Kiniki maan mendek mban koonit nugwi kiinok, kambumunggup are kwe, Aberiniki nen yokkirage kenok mban eerit nugwi kiinok perak, kineenik mondok kiniki tayenak ale'nggen aret logomunggup o.

eeppinanit wogwe iigak, Keritut ninabuwa nen iniki kunik wonage me, waka'ngget negen mondok tiyanak aret wonogo ogoorik o.

Yogondak piyak-payak eerogo tebembinanit nugwi ti, peebi tiyappinaniyak imbirak ndak-ndak wakkoorak meek o. Peebi ee'ninaburak ti abu obeelom aret o.

Keritut ninabuwa nen ninom niniki kunik lombok wonogwe me, ta nen ogoorogo ninalitak ee'ninabigin mbakop? Andi-pandi ninoba wangge, aaninggin-paaninggin ninoba age, piyak-payak eerogo pinanugwi, mbi noogelo ee'ninake, ninageerok ndinggologo logonet, we ninagap mbelanak eerogo pinanugwi, wim kurumbi yo'nirogwe, karugum nen eerogo ninookwi, ti mendek abok aret eeppinanumenggaarak paga nen Keritut ninom ogoorogo pinanugun mbakop? Mondok lek o.

Aberiniki nogo nen Ala iniki mbake ndak-ndak aret it abet mbakwi Ala apuri inake tamban eeke menggerak me, at aakumi iniki liippiige menggerak Ala nogo nen Aberiniki mbake nogo eenu aret o.

At Aberiniki nen yokkirage kagak eeko monggotak kenok, kit Ala apuri aret ogotik.

It aakumi inobaabut maan mendek paga logonet, iniki nen nengge kenok eeriyak mban koonit nugu menggaarak kwe, Aberiniki nen yorage kagak, eekwi iinok perak, at mbake mban eeko menggaarak.

At Ala aput ambolom aret kwe, ili yuulik nit ninake waruwak nduk wuppi wagagerak. Wuppi wagagerak me, yi mendek ndi mendek ngginu-ngginu eerogo wo'niraagin lek nduk yogo ogotik?

Aberiniki ninikime wonage nogo nen, ”Kit Ala apuri aret o,” yinuk, yo'nirage menggerak. Aap ambi kangge logonet, eyate apuri unde eeppiige minggi kwak, at Ala nen apuri unde eeppiyoorak koonogo pereegerak nogo nit at apuri aret me, Keritut ninom ndak-ndak aret unde eeppinanigin o. Ndi, at Keritut piyak-payak eerogo pugwi iigak wagangge nagagerak nogo kokwak, nit ti ndak-ndak waganggwi niinok, at tiyappereegerak nogo kokwak, nit togon togop aret tiyappinanigin o.

Ti kenok, it aakumi iniki maan mendek nen eeriyak aganake kenok mban eerit nugwi iinok, Ala inom ogoorak aret wonage o. It Ala wone lengganak abu me tebe yaga'lek me, eebe liirogon eeriyak meek o.

Togop me, Ala nen yi mendek ndi mendek wakkagagerak nogo nen aakumi yogo mengga kwak yogo logonet, ”Ala apuri mbet-mbet tena'me eeppiyaawak lak, ao,” yinuk, iniki luunik logonet, tokkogwe wonogwe o.

Ala nen yi mendek ndi mendek wakkagagerak nogo o maan nen, nok, yogondak kuli paga kumi nen elege enegen paganak yagan wako mengga kwak, ndak-ndak aret yagan wakwi wonogwe yi kogo ogotik?