Папулярныя біблейскія вершы з OROMA 12

Падзяліцца

It aakumi nggween paga mendek eeko mengga kwak, kit eeko logogup o. Kit kiniki ngget alik ogobakkigikkinake logowak nduk, at oone mban waganggo logonip o. Ti waganggwi kiinok, at obeelom eeriyak mbake inom, eeriyak inikilom mbake inom, ndi, nit mondok eeko logowak ninombake menggerak inom, iniki koongge menggerak abok aret nineenu arugun o.

Ti kenok, nowe-nawot o. At ninogoba Ala ninabuwa mba'nuk, nggwok togon eeppinanege menggerak me, wam Ala ake warogo pogo mengga kwak, kit nen, ”Nineenik logonet, Ala ake mban eerit nugu logowok nduk, nineebe apit aret Ala ake leenogo puurak ti op aret mbako o,” yinuk, kineebe apit aret Ala wogo'nuk logonip o, yinuk, an, ”Ao,” mbake logonet, yokkirage agarik o. Ti eerumonggotak paga Ala nen, ”It yi abet aret alut ee'nakwi iigi,” yinuk, ale'nggen kinombake logogin o.

Kiniki muk luunik wonogwe me, ale'nggen mbakwi, aaninggin-paaninggin kinoba age kagak kinogogumbuk logonet waganggwi, tamban mban eekwi, eeko logonip o.

Maluk pilak ari logonet, tebenogo pinagage kero, kit waka'ngget negen logonet, obeelom eerit nugwi paga maluk nogo tebenogo pogo logonip o.

Kinoreewi kinom kunik logonet, nabuwa-kabuwa eeko logonip. Ndi, nagowan ariyak paga nili-kili yuurak lek o. Ata, nabu'mekabu'me logonip o.

Kiniki laakot logonet, kiniki kunik aganako logogup o. Ata, inabuwa nen kiniki kunik aganako logonip o. Yi maluk ndi maluk eekwi ti, kineebi aret mbako logonet, obeelom eekwi perak, kinikilom mbako logonip o.

Kit eekwi paga ogookkolookwak me, aakumi abok aret kinom lambunik logonip o.

”Aap inane'me wakwi inom, maluk onggo eeppiigwi inom, kit nen onggo eerugup o. An nen mban aret eeppiige logogin o, yinuk, ninogoba nen yereegerak o,” yinuk, liiru mbanak wonage me, maluk eeppinagagwi iinok, Ala anini nen it onggo eeppiyaagin me, kit nen onggo eeppiigo logogup o.

Yi eekak ndi eekak eeko logonet, kineebi mbakak eeko logogup. Ata, nggwiirit-nggwaarit eeko logonip o. Ninogoba Ala abu'me logonet, kiniki aganggen ket-kererak logonet, at ake eerit nogo logonip o.

An Ala nen at oone yoranet nege logowak nduk nabuwa mba'nuk, onggo lek we aret unde eeppaneegerak nogo paga it abok aret wone ambi yokkira o. Kit obeelom wone abet mba'nuk, waganggo mbareegup. Ala eyabu eeko logowak nduk, kinalitak lombok unde eeppinagareegerak nogo, ”An ngge negen unde eeppanegerak?” yinuk, kiniki liippogo logonip o. ”An iya lombok unde eeppanegerak kagi,” yinuk, wogoppako logogup. Ata, kiniki tebenak logonet, eerit nogo logonip o.

Kit maluk eekkinakwi iinok, onggo-onggo eeko logogup o. Aakumi nen obeelom eeriyak mbakwi nogo mban eeko logonip o.

Ambi wogoppugwi, ambi tebeppugwi, eeko logonet, wogoppatit nugu logogup o. ”An abu neenu me, an iya,” yinuk, puk logogup o. Ata, ”Yi wa nak ndi wa nak,” yokkirogwe iigak, aret eeko logonip o.

Ata, Ala yoge kagak aap ambi nen ari logonet, ”Kit kinom wim mbanak monggotak nogo nen, Mbi abu o, yogwe iinok, mbi wogorogwe, ndi, Niyo abu o, yogwe iinok, niyo toogira nogwe, eekwi kiinok, inagabiti nen iniki yanggo yinuk, kinom lambuni wogo logogun o,” yinuk yereegerak liiru mbanak nogo ndak-ndak aret eerit nogo logonip o.

Piyak-payak eekkinakwi iinok, kugi pulunogo piyoorak lek o. Ata, kinale'nggen aret inoba piigo logonip o. Ale'nggen yogwe iinok, kinom ale'nggen yogwe, it le yogwe iinok, kinom aret le yogwe, eeko logonip o.

Kiniki ale'nggen mbakak logonet, it abet mbakwi Ala apuri inamendek lek kenok wogorogwe, ndi, aap nggiru kiya wogwe iinok wogonakwi, eeko logonip o.

Nineebe ambit nen aret kwe, nineenggi-niniyok yereegerak-pereegerak abok aret alitik-alitak aret eeke menggerak ti kokwak, nineebe togon alitik-alitak wonogogurak kwe, nineenggininiyok yereegerak-pereegerak abok aret nineebe ambit paga kunik minggi kwak, Keritut eebe paga kunogo pinaneegerak me, nineebe ambit aret wonogwe o.