Папулярныя біблейскія вершы з WAYU 3

Падзяліцца

An tunggambe paga mi'ndak logonet, tu puk-puk eeke nogo liippanuwak o. Aap ambi an tu puk-puk eeke nogo, aruk konembunuk, tu paa'neege kenok, an ka unggwage logominggirik, nimbirak niniki ambi lambuni nore-kore logonet, mbi nonggo logogun o.

it Ala apuri o Laworikiya eerit nogo menggaarak ti abok neenu aret o. Iniki miin lek aganggen togon lek we tarom ombat negen wonogwe iigirak me, iniki aganggen logorak mbakwi kenok, aganggen aret wonogwe, ndi, iniki miin logorak mbakwi kenok, miin aret wonogwe, eeko logorak op aret mbake kwe, iniki we tarom ombat neen wonogwe me, niyo kulubit ombat kenok inambeme nen kilirogo wumbogo mengga kwak, it ineebe togop aret kilirogo wumbiyoorak mbake agarik o.

It aakumi an ninom niniki kunik eeginake minggirak nogo ti, inaruk wake, iniki koonnaruwak nduk yawi inooke, eeke minggirak me, iniki koombunuk, inomaluk abu aret nggaruk togon mbo puwak o.

it Ala apuri o Pilarelipiya eerit nogo menggaarak nogo an abu neenu aret o. Neenu aret me, it an nendage mbo pega'lek porogo logonet, inomaawi mbuuluk wonage nogo paga an noone mugurok nogo menggaarak me, it ambi eeko logowak nduk, tu paarogo piyareegirak nogo, aakumi nen narogo piyoorak mondok meek aret o.

Ndi, it an noone mbo pega'lek mondok nu'lek porogo logonet mugurok nogwe iinok, an nogoba wone lengganogo yorage minggim nimbirak kwi'ndak wonage nogo ndak-ndak, it kunduk an noone lengganogo yorage minggim ninom kwi'ndak logowak nduk, Neya woraanip o, yinuk, yoraagin o.

It nogo nen, Ninigen mbuk ninagap mbelenak nineenggi lek niniki ale'nggen mondok lek aaninggin ndugu aago nugu logonet, agan nugu monggoorak kogo o, yinuk, mbaka'lek logonet, Nit ninamendek ambi lek lek, abok aret wonage me, ninenggi warak aret o, yinuk, yogo menggaarak me, It eeko logorak yoraanu o, yinuk, yo'nok nduk, wone ambi yokkiri o.

Ndi, Kit kinogogumbuk kiniki kwi'ndak logonet eeko logonip o, yinuk, yoragagirak nogo, konembunuk liirogon aret eekwi me, peebi yi aakumi ndi aakumi nggween paga menggaarak abok aret inabut mbanikit nduk, aaninggin-paaninggin inoba piya woroorak eyom nogo paga it an napuri inoba arukwak, an nen ndegeninake logogin o

An abera'lek me perak togon aret woraagin o. Ndi, wage logominggirik, it abet mba'nuk waganeegwaarak nogo liirogon porogo wonogwe paga makoota yippiya woraagin me, aakumi nen lek eerogo piigwi iyo, liippunuk, tum wako logowak o.

it eerit nogwe nogo an nogoba Ala nen, Op aret eekwi o, mbaka'lek me, it abu ndeyak kambuurak negen aganake nogo mbet-mbet ineenik a'nuk, Ala wone mbuuluk mugurok nogwe iigirak nogo nggwok togon eerit nogo logowak nduk, inomaawi eekkolaawak o.