Папулярныя біблейскія вершы з PILIPI 1

Падзяліцца

”At Ala nen obeelom eekkinaburak nduk, aa'nduk eereegerak kuli nogo nen, kinikime eekkinake tit kagak, o age yobok Yetut woraagin o,” yinuk, an abet aret mbake logonet, yokkiragi o.

Kit yi wone ndi wone alom liirogon kineenu ogwe, ndi, kiniki warak logonet, yi mendek ndi mendek eraambe yelok kogwe, eeko logonet, it kinom kiniki kunik aganakwi nogo, ambinom nggwok togon eeko logobagip nduk, kinake tamban eeke minggirak o. Kit eeko logobagip nduk, kinake tamban eeke minggirak nogo, kit ndak-ndak eekwi kiinok, yi mendek ndi mendek abut mbambunuk, abe kenok mban eeko logomonggotak me, Keritut woroorak eyom ti paga Ala endage alut eerak tiyanak logowak nduk, eyo anggen abe yi'nage minggi kwak, Yetut Keritut eeppinagage kagak obeelom mban eeko logomonggotak nogo paga enegen kiige logominggirik, ”Kit maluk eerulik obeelom mban eeko nogotak o,” yinuk, oone kinoba pinagagin lek o.

Neenik logorak kenok ti, Keritut ake aret o. Ndi, kambuurak kenok ti, an ambi kola noorak me, neenik logorak kenok, kambuurak kenok ti, op mban aret o.

An niniki kinoba abe'nage kenok, nogoba Ala wa yoge minggirak.

An yime wonage neegak a, time kiya wage neenok a, kit obeelom wone abet mba'nuk waganeegutak nogo, mbo pega'lek kiniki ambit a'nuk, nu'lek logonet, eerit nogwe konenikit nduk, obeelom wone Keritut nen yo'niragagerak nogo, kit liirogon aret eerit nogo logonip o.

An eeke logowak nduk unde eeppaneegerak nogo ando eeka'lek neenok, nenggali wappaniyak neebi me, ”Ao,” mba'nuk, an neebe paga Keritut tiyappuurak mbake minggirak nogo, yogondak ndak-ndak mbake logonet, kambuurak kenok, neenik logorak kenok, ”Op mban aret o,” yinuk, nagabiti mbaka'lek logonet, yoranet nege logorak uugwe mbake agarik o.

At Ala nen kinabuwa mbake logonet, eeriyak kooneegerak nogo ti, kit kiniki Keritut oba panggombunuk abet mbarubagip nduk mban koonulik o. Ata, at oone waganggwi paga aaninggin-paaninggin inom kaabagip nduk kooneegerak me, kiniki ale'nggen mbako logonet waganggo logonip o.