Папулярныя біблейскія вершы з 2 KORINDUT 9

Падзяліцца

”Aap ambi nen aakumi ineenggilek kenok, inabuwa nen amendek apit wogorage logomenggerak paga oba mondok-mondok aberak logogun o,” yinuk, liiru mbanak nogo ndak-ndak, kit kiniki ale'nggen paga kuwak eekwi kiinok, Ala nen kit, ”Ndi mendek uugwe,” mbarumonggotak kagak, mbaka'lek mendek ambinom kalo logonogo wokkirage logogin me, kit ambi mendek lek kenok uugwe mbarumunggup lek o. Ndi, aakumi inabuwa nen yeenggwaaroorak kunduk, wonage mban aret kaamunggup o.

it aakumi iniki ale'nggen paga kuwak eekwi iinok, Ala inabuwa mbake menggerak me, kit kuwak eeko logonet, kiniki aaninggin nen kineebi mbakak kuwak eeko logogup o. Ata, kinalitik-kinalitak kiniki mba'nuk nen ale'nggen paga kuwak eeko logonip o.

Wone yi ti, liippogo logonip o. Aap ambit-ambi nen yabu mbuuluk waganogo yake kenok, mbi mbuuluk aret ndakkolage, ndi, ambi nen yabu nggwok aret waganogo yake kenok, mbi nggwok aret ndakkolage, eeko menggaarak me

It aap mbi awi yako menggaarak nogo nen awi yakwi iinok, ki eeke, ti'nuk, eebe ndaruwak nduk kole eeke, eeke menggerak Ala nogo nen kit kunduk, aakumi yeenggwaaroorak nduk, awi negen pipuk agago nggwok aret wokkirage, ti'nuk, eebe kole eerogo wokkirage minggi kwak, aakumi inabuwa nen wogorogwe kiinok, Ala nen obeelom aret eeppinagage, eeke logogin o. Kiniki lek ndoobu logonet, aakumi inake nggwok aret kuwak eekwi paga Ala nen kit kineenggi warak eeppinagage logogin o. Ndi, nit yokkirogwe konembunuk, kiniki ndoobu paga kuwak eekwi me, it aakumi ambik aret Ala, ”Wa, wa,” yogo logogun o.

Ala ninabuwa nen mondok alik negen wo'niragagerak nogo mbininogo yuurak meek me, at mban, ”Wa, wa,” yogo logowok o.