Папулярныя біблейскія вершы з Va le Galatia 6

Падзяліцца

Ngha hi nga karali a ku maha lezi zi nene; hakuva loku hi nga rereki hi ta tshovela hi xikhati xi faneleko.

Hikwalaho kota lezi hi nga ni xikhati, a hi tireni lezi zi nene ka vanhu vontlhe, nguvunguvu ka va le ngangweni wa kukholwa.

Rwalelanani minzhwalo; lezo mu tatisa a nayo wa Kristu.

Mu nga ti khohlisi, Nungungulu a nga kalavisiwi; hakuva lezi munhu a xi byalako, xwalexo i ta xi tshovela.

Hakuva loyi a byalelako a nyama yakwe, hi nyama i ta tshovela kubola; kanilezi loyi a byalelako a Moya, hi Moya i ta tshovela a wutomi ga pinzukelwa.

Vamakabye, loku a munhu a kumiwa xionhweni xo kari, nwina lava mu nga va moya, lulekani a wa kunghaho hi moya wa kuolova; zonake wenawu u ti tlharihela lezaku u nga ringiwi na wena.

Hakuva loku a munhu a ti alakanyela aku i nchumu, na a nga hi nchumu, wa ti kanganyisa. Ngha munhu ni munhu a hlola a ntiro wakwe, hi kona a to zi kota ku ti kulisa hi lezi a nga zona, na ku nga hi ku ti fananisa ni vanwani. Hakuva a munhu ni munhu i ta rwala a nzhwalo wakwe yena nwinyi.