Папулярныя біблейскія вершы з Naanearü ügüchiga 24

Падзяліцца

Rü nüma ga Abraáü̃arü duü̃ rü inanaxügü ga nax nayumüxẽxü̃ rü ñanagürü: —Pa Tupana ya Chorü Cori ya Abraáü̃arü Tupanax, rü ¡cuxü̃́ nangechaü̃tümüxü̃ ya chorü cori ya Abraáü̃! ¡Rü ẽcü mea ínanguxuchixẽxẽ i ñu̱xma i ngẽma naxca̱x núma choxü̃ namuxü̃!

Rü ñu̱xma rü curü ngü̃xẽẽca̱x íchaca. Rü ngẽxguma wüxi i ngẽma pacüna chacaxgu nax ngĩrü tü̃xü̃wa choxü̃ naxaxẽẽxü̃ca̱x rü ñaãcü choxü̃ nangãxü̃gu: “¡Ẽcü, naxaxe! Rü ngẽxgumarüxü̃ tá ta chayaxaxegüxẽxẽ i curü caméyugü”, ñaxü̃maxã choxü̃ nangãxü̃gu, rü ngẽmawa tá nüxü̃ chacua̱x nax ngẽma yixĩxü̃ i cuma ngĩxü̃ cuxunetacü naxca̱x ya yimá curü duü̃ ya Ichaá. Rü ngẽmawa tá nüxü̃ chacua̱x nax cuma rü aixcüma nüxü̃ cungechaü̃xü̃ ya yimá chorü cori ya Abraáü̃ —ñanagürü ga norü yumüxẽwa.

Rü yexguma ga Ichaá rü tauxeta norü mama ga Chárachiü̃wa Rebécaxü̃ naga, rü ngĩmaxã naxãxma̱x. Rü nüma ga Ichaá rü poraãcü ngĩxü̃ nangechaü̃, rü yemaacü nüxü̃́ inarüxo ga naéca̱x nax nangechaü̃xü̃.

Rü ngĩenexẽgü rü mexü̃ Rebécamaxã naxuegugü rü ñanagürügü: —Pa Toeya̱x, ẽcü muxũchixü̃ i duü̃xü̃güarü mama tá quixĩ. Rü ngẽma cutaagü rü tá narüporamaegü nüxü̃ i norü uanügü —ñanagürügü.

Rü wüxi ga ngunexü̃ ga Abraáü̃ rü nidexa namaxã ga gumá norü duü̃xü̃ ga rüyamaecü ga norü yemaxü̃maxã icuácü. Rü ñanagürü nüxü̃: —¡Choperematüü̃gu naxǘxme̱x, rü Tupana ya daxũguxü̃ i naane rü ñoma i naanearü yoraégagu chomaxã inaxuneta rü taxũtáma chaune ya Ichaáca̱x ngĩxü̃ cuyaga i wüxi i pacü i ñaa naane i Canaáü̃cüã̱x ĩcü nax naxma̱x yixĩxü̃ca̱x! Natürü chanaxwa̱xe i yea chauchixü̃anewa cuxũ nax ngẽxma chautanüxü̃tanügu ngĩxca̱x cuyadauxü̃ i wüxi i nge nax ngẽmamaxã naxãmaxü̃ca̱x ya chaune ya Ichaá —ñanagürü.