Папулярныя біблейскія вершы з Naanearü ügüchiga 13

Падзяліцца

Rü choma rü tá cuxna chanaxã i guxü̃ma i ngẽma naane i nüxü̃ cudauxü̃. Rü guxü̃gutáma cuxrü rü cutaagüarü tá nixĩ.

Rü yexguma marü yaxũgachigu ga Lox, rü Cori ya Tupana rü Abráü̃maxã nidexa rü ñanagürü: —¡Ngẽma ícuchixü̃watama rü mea guxü̃gu nadawenü i nórtegu rü súrgu rü éstegu rü oéstegu!

Rü choma rü tá chayamuxẽxẽ i cutaagü rü ñoma naxnücüte̱xerüxü̃ tá namuxũchi. Rü ngẽmaãcü taxúetama tayaxugü i ngẽma cutaagü.

Rü yemaca̱x ga Abráü̃ rü wüxi ga ngunexü̃gu Loxmaxã nidexa rü ñanagürü: —Cuma rü choma rü yigütanüxü̃ tixĩgü rü ngẽmaca̱x tama name nax yigüchi ixaiexü̃. Rü tama name nax taxü̃naarü dauruü̃gü rü nügü nax nadaiechaxü̃.

Rü yexguma ga Abráü̃ rü inaxũãchi. Rü Mamréarü castañanecügu nayaxãchiü̃ ga ĩane ga Ebróü̃arü ngaicamana. Rü yexma nanaxü ga wüxi ga ãmarearü guruxü̃ nax yéma Cori ya Tupanaxü̃ yacua̱xüxü̃xü̃ca̱x.

Rü yexguma ga Lox rü natü ga Yudáü̃pechinügu nidau, rü nüxü̃ nadau ga nax nabaxcaxü̃ ga maxẽgü ñoma Tupana inatoxü̃rüxü̃, rü poraãcü nadexáã́xü̃ ga yema naane ñu̱xmata guma ĩanexacü ga Chóawa nangu. Rü Equítuanerüxü̃ nixĩ ga nax nameanexü̃chixü̃. Rü yemaacü nixĩ naxü̃pa nax Cori ya Tupana yaxoxẽẽãxü̃ ga guma ĩanegü ga Chodóma rü Gomóra.