Папулярныя біблейскія вершы з Wenaxarü naxümatü ga Tupanaarü mugü 4

Падзяліцца

Natürü ngẽxguma ngẽma nachixü̃anegüwa pema rü guxü̃ma i perü ngúchaü̃maxã rü guxü̃ma i peãẽmaxã Cori ya perü Tupanaca̱x pewoegugu rü nüxü̃ tá ipeyangaugü.

Rü nawena nax nawa pechopetüxü̃ i guxü̃ma i ngẽma ngúxü̃gü rü guxchaxü̃gü, rü ngẽxguma wena Cori ya Tupanaca̱x pewoegu̱xgu rü naga pexĩnüegu, rü nüma rü namecümaxüchi rü taxũtáma pexü̃ ínawogü rü taxũtáma pexü̃ nadai, rü taxũtáma nüxü̃ narüngüma ga yema uneta ga perü o̱xigümaxã nüxü̃ yaxuxü̃.

Erü yimá Cori ya perü Tupana rü Tupana ya pexü̃ inuxü̃cü nixĩ. Rü nüma rü ñoma wüxi i üxüema i guxü̃ma iyarüxoxẽẽxü̃rüxü̃ nixĩ.

¡Rü ngẽmaca̱x pexuãẽgü nax tama nüxü̃ iperüngümaexü̃ca̱x i ngẽma nüxü̃ pedaugüxü̃, rü woo peãẽwa tagutáma nüxü̃ iperüngümae i ngẽma Tupana pexca̱x üxü̃! Rü name nixĩ i pexacügüxü̃ rü petaagüxü̃ namaxã pengúexẽẽxü̃.

Rü ngẽmaca̱x mea pegüãẽgu namaxã penguxü̃ nax daxũguxü̃ i naanewa rü ñoma i naanewa rü nüma i Cori rü Tupana yixĩxü̃, rü nataxuxü̃ma i to i naxrüxü̃ ixĩxü̃.

Rü tórü Cori ya Tupana rü guxü̃guma i ngẽxguma ta̱xacüca̱x nüxna icagügu rü tüxna nangaicama. Rü nataxuma i to i duü̃xü̃gütücumü i taxrüxü̃ nüxü̃́ ngẽxmaxü̃ i norü tupana i nüxna ngaicamaxü̃ i ngẽxguma ta̱xacüca̱x nüxna nacagügu.

Rü nawena nax nawa pechopetüxü̃ i guxü̃ma i ngẽma ngúxü̃gü rü guxchaxü̃gü, rü ngẽxguma wena Cori ya Tupanaca̱x pewoegu̱xgu rü naga pexĩnüegu, rü nüma rü namecümaxüchi rü taxũtáma pexü̃ ínawogü rü taxũtáma pexü̃ nadai, rü taxũtáma nüxü̃ narüngüma ga yema uneta ga perü o̱xigümaxã nüxü̃ yaxuxü̃.

¡Rü taxṹ i to i mugü pixücuchixü̃ rüe̱xna ípenaxíxraãchixü̃ i ngẽma Cori ya Tupanaarü mugü i pexü̃ changúexẽxẽxü̃! ¡Rü peyangu̱xẽxẽ i ngẽma norü mugü i choma pemaxã nüxü̃ chixuxü̃!