Папулярныя біблейскія вершы з ROMA 8

Падзяліцца

Nunda wenera ella ulumabaʾ ara, Imik Neyung ara alak wanaʾ ulumak nang ek, alja adya ganya seinimokaʾ sunuwoka weboka dobsuk nang ek, siksamba perob damok lanalalulaʾ aboka dara, yokaʾ-yokaʾ nidyaʾ ara, Imik Neyung adya arawoka welesil.

Anasa nadya dib senelamnaʾ ara, or somoknaʾ embengaʾ, lero nang gong, bisaʾ wenesin dub nang, or wen ulumlaʾ eimik lanawanamlaʾ, or yok-yok migib damok, imik ulumlaʾ, damumduk ululanya gom, or yok embengaʾ ulumla digum, ban nidyaʾ anedya, nunda Imik Neyung adya wanaʾ usinaʾ ak ab, nunja Wenelesilnya Yesus Kristus ak ulumlaʾ an, ara ane digum adya douluwoka bok meneganggunusil.

Dara neikik, nunda heng uboka molonaʾ ara, okoka pe elgom ulumab anasa, Geisinya bera ban nunja hmeng ulumabaʾ ak an, nuk arasil. Anya onoʾ Geisinya bera albeyokaʾ ganya doboka nunsamba Imik Neyung ak hyak lebnamenggomnya neneba, nekoka mololosil.

Wera ban nidyaʾ amba dara, nunda hek henemab do? Wera Imik Neyung ara, nuk sam dangalamla dara, heknedya nuk isaʾ nang nenewanasil do?

Anasa wenyek dara, sikda Kristus Yesus lomok ulumak nim ek ara, igina kwenaʾ ara unggulumla.

Anasa nimi ganya adya seinililanya nera somoknaʾ damok ak ulumla. Bok Geisinya adya seinililanya nera embengaʾ unaʾ ak hnon, ganya pe namenaʾ unaʾ damok ak hnon, ulumla.

Bok ban nidyaʾ an lebnaʾ ak ab dara, nuk wanaʾ ulusilnya be pik ab uboka, nunda ol lamakna nang ek ulumab.

Anasa nadya hyak okoka ella ulumnaʾ ara, ban wene salek enyek ganya okna dablesilnya nera, eimik nuk si imik nenesinaʾ anyek laga anyeb dara, neikik sunuwamenggomaʾ ak ulumla.

Anasa heknedya nunda Kristus bedya wanaʾ unaʾ ak ab bok meneganasil do? Malya nenesinaʾ adya gom, mekaʾ nenesinaʾ adya gom, doboka osinaʾ adya gom, gwaneng okaʾ adya gom, nong baneng unaʾ adya gom, lok ganya adya gom, mala adya gom?

Wera Imik Neyung ara alda nunja ganya anyek lelewoka ella ulusilnya bera, ban Geisinya bedya mololamlaʾ ganya era beknaʾ ella ulumla ara, alda Imik Neyung adya seinilamlaʾ sunuwoka beknaʾ, munaʾ Imik Neyung mab amba heng uboka mololosil.

Dara, nimi nidyaʾ Imik Neyung Geisinya adya arawoka bo ulusil nang era, wera Imik Neyung bedya mab era al an.

Anasa sik nimi ganya ok sunuwoka ulumak nang era, nimi ganya adya seinilamla ganya ok seinilimak. Bok Geisinya bedya ganya ok sunuwoka ulumak nang era, Geisinya adya seinilamla ganya ok seinilamak.

Alda, alja me yokaʾ ak wanaʾ ubok bok, alda nidyaʾ amba elegousukaʾ anasa, alda nuk yokaʾ-yokaʾ nidyaʾ ara ganya doboka eleganggunusil de?

Dara ban Geisinya adya, nunja ganya ek, nunda Imik Neyung bedya mab ulumab aboka, laga neklesil. Anasa nunda alja mab ulumab dara, wera nunda alja misaʾ don nang ulumab. An wenyhenya nera Imik Neyung adya dobnemak hyokaʾ anyek, nunda Kristus ablaboka imik nenewesinok aboka alja ganya igina berenaʾ anyek dolomnemab dara, numbabya Kristus ablaboka neikaʾ dobnemab.

Dara nim adya ganya seininaʾ era, alda Imik Neyung adya unuwanalum an yub ak ganya beildanggulumla anasa, Imik Neyung adya isaʾanya ulumla. Anasa aldib, ban yub enyek dara, alda hyak okna ak ulumla.

Wera anasa, embengaʾ ulumakaʾ nidyaʾ ara, Imik Neyung mabo laga nenewanamla sum amba hyak ganya weboka diri ulumak.

Anasa nunda ella ulumabaʾ ara, nidyaʾ yokaʾ-yokaʾ embengaʾ ulumakaʾ ara al wenebabya neikaʾ ganya oldalamlakanya, neikaʾ me juga gwekleng sok ulumak.