Папулярныя біблейскія вершы з 2 KORINTUS 1

Падзяліцца

Nunjaʾ Wenelesilnya Yesus Kristus alja neyung Imik Neyung ak sobaʾ giblenob. Imik Neyung ara alda hyak angoo yadyek senewoka unulusilnya bek ulumlakanya, onoʾ alda nim ek heknaʾ ganya lanalamlaʾ damoknya Imik Neyung ek ulumla. Nunuk nidyaʾ yokaʾ-yokaʾ igina kwelesilaʾ ak ab, Imik Neyung adya ganya hekellilisilaʾ adya, ban ganya heknaʾ enedya, nimi yok nim igina kwelesil nim ek, sikja igina kwelesilaʾ nidyaʾ ak, nunda ganya heknaʾ gebnokaʾ aboka nuk eleklesil.

Kristus adya yokaʾ-yokaʾ alak igina kwelemoknya nera nuk hnon nauba ulusil. Dara neikso Kristus adya, nunja ganya heknaʾ eneba nauba ulusil.

Somoganokaʾ aboka igina kweiyisik senenaʾ mamok. Bok ban nidyaʾ unuweisiknya nera, nunja geremseng ek ganya dib beiliweibyek, alda Imik Neyung nim embengaʾ bukullilisilnya bek ganya dib beiliwanokaʾ aboka igina boyiwousuk.

Nunja ganya eb, onoʾ ugunja ganya eneba, Kristus lomok ulumabakanya, migibaʾ nenelesilikanya, nuk alsamba sekillilisilnya bera, Imik Neyung ulumla. Onoʾ Imik Neyung adya, nuk ouma debsuukanya, alja Geisinya bera aljaʾ nunja ganya lomok eleganesin amokaʾ anyek dib eleganesin an beknaʾ elegosuk.

Nu nong anyek igina kwelesil dara, ugunuk blebsin damba hnon, ugunja ganya heknaʾ gebsin danasa ulusil. Onoʾ nuk ganya heknaʾ geblesil dara, nera ugunuk ganya heksinya nemba ulusil. Anadya wera, nunja yokaʾ-yokaʾ igina kwelesilaʾ anyek, ugumbabya neik so yokaʾ-yokaʾ igina kwelesilya bok, ganya siklewoka heiboka ulumnulum.